'صنم تیری قسم' کے ہیرو ہرش وردھن نے ساتھی اداکارہ ماورا حسین کو شادی پر کیا تحفہ دیا؟ انٹرویو

حال ہی میں اداکارہ ماورا حسین نے اپنے قریبی دوست و اداکار امیر گیلانی کے ساتھ شادی کی ہے، جس کی تصاویر اور ویڈیوز کافی دنوں سے سوشل میڈیا کی زینت بنی ہوئی ہیں۔

دوسری جانب ان کی شادی کے ساتھ ہی انکی واحد بالی ووڈ فلم 'صنم تیری قسم' بھی بھارت میں دوبارہ ریلیز کی گئی، جس نے بہترین بزنس کر کے ریکارڈ قائم کر دیا۔

پنک ولا کے مطابق، فلم کے ہیرو ہرشوردھن رانے سے ایک انٹرویو کے دوران ماورا سے متعلق سوال کیا گیا جس میں ان سے پوچھا گیا، کیا انہوں نے اپنی فلم کی ساتھی اداکارہ ماورا کی شادی پر انہیں کوئی تحفہ دیا ہے؟

جس پر ان کا کہنا تھا کہ، میں ماورا کو فلم کے نمبرز کے ذریعے نیک خواہشات دینا چاہوں گا چونکہ ہماری فلم کی دوبارہ ریلیز نے کامیاب بزنس کیا۔

انہوں نے یہ بھی انکشاف کیا کہ، 2016 میں جب یہ فلم ریلیز کے بعد فلاپ ہوئی تو ماورا نے ساتھی اداکار، ہدایتکار اور پروڈیوسر سے رابطہ ختم کر دیا تھا۔

ہرش وردھن نے ماورا کیلیئے نیک خواہشات کا اظہار کرتے ہوئے کہا کہ، میں امید کرتا ہوں جتنی خوشی شادی کے قت ان کے چہرے پر تھی، فلم کی کامیابی دیکھ کر یہ خوشی اور بڑھ جائے۔ کیونکہ اس سے بہترین تحفہ ان کے لیئے کچھ نہیں ہو سکتا۔