میں طلاق کیلیئے تیار نہیں تھا مگر۔۔ حارث جاوید نے اداکارہ مریم فاطمہ سے علیحدگی کی وجہ بتاتے ہوئے کیا کہا؟

Haris Waheed Talks About His Divorce with Maryam Fatima

پاکستانی ڈرامہ انڈسٹری کے باصلاحیت، ہمہ جہت اور نپا تُلا اداکار حارث وحید نے اپنی شاندار اداکاری سے ہمیشہ ناظرین کے دل جیتے۔ ناپا سے اداکاری کی تربیت حاصل کرنے والے حارث نے مختلف سپر ہٹ ڈراموں میں اپنی پرفارمنس سے دھاک بٹھائی۔

لیکن اس بار حارث کسی کردار کے نہیں، بلکہ اپنی ذاتی زندگی کے ایک دردناک باب کے باعث خبروں میں ہیں۔

حالیہ دنوں وہ احمد علی بٹ کے پوڈکاسٹ 'ایکسکیوز می' میں شریک ہوئے، جہاں پہلی بار انہوں نے اپنی سابقہ اہلیہ، اداکارہ مریم فاطمہ سے علیحدگی پر کھل کر بات کی۔

حارث نے بڑی سنجیدگی سے کہا، میں اپنی طلاق کے لیے تیار نہیں تھا۔ یہ نہ تو ہمارے کام کی مصروفیات کی وجہ سے ہوا اور نہ ہی کسی بیرونی دباؤ کی وجہ سے۔ یہ ایک ذاتی اور شاید مشترکہ فیصلہ تھا۔ زندگی میں مشکلات آتی ہیں، اور یہ سب کے ساتھ ہوتا ہے۔ میں کوئی الگ نہیں۔ اُس وقت دکھ ضرور تھا، مگر زندگی ایسی ہی ہے — ہمیں جینا ہے، چیلنجز قبول کرنے ہیں، اور آگے بڑھنا ہے۔

اداکار نے مزید کہا کہ، جو کچھ اُن کے ساتھ ہوا، وہ مقدر کا حصہ تھا اور انہوں نے اسے قبول کر کے زندگی میں آگے بڑھنے کا فیصلہ کیا۔

حارث کے اس کھلے دل سے کیے گئے اعتراف نے مداحوں کو حیران بھی کیا اور متاثر بھی۔