یہ بہت معصوم ہیں اور۔۔ اس سال ہانیہ عامر کی زندگی میں کیا کچھ ہونے والا ہے؟ ماہر نجوم کی دلچسپ پپیش گوئی

ماہرِعلمِ نجوم نے پاکستانی معروف اداکارہ ہانیہ عامر سے متعلق پیشگوئی کر دی۔

میزبان مدیحہ نقوی کے مارننگ شو میں گزشتہ روز 3 نجومیوں کو بطور مہمان بلایا گیا۔ اور اس موقع پر مدیحہ ان سے مختلف فنکاروں کے مستقبل کے بارے میں سوالات کیے۔

نجومیوں نے اداکار فواد خان کے بارے میں بتایا کہ، بہت لوگ سوچ رہے تھے کہ بس اِن کا کیریئر اب ڈوب گیا مگر ایسا نہیں ہے، آنے والا سال ان کے لیے خوب شہرت اور کامیابیاں لا رہا ہے۔

ساتھ ہی عدنان صدیقی سے متعلق ماہر نجوم کا کہنا تھا کہ، ان کا آنے والا سال کامیابیوں سے بھرپور ہوگا۔ چاہے وہ کاروبار کریں یا کوئی نئی انویسٹمنٹ کریں، ان کی ترقی میں اضافہ ہی ہوگا۔

ہانیہ عامر کے بارے میں ماہرِ نجوم کا کہنا تھا کہ، ہانیہ ایک خوبصورت اور معصوم شخصیت کی مالک ہیں، اور انہیں جلدی جذباتی کیا جا سکتا ہے یعنی پاگل بنایا جاسکتا ہے۔ 2025 ان کے لیے ایک اہم موڑ ثابت ہوگا، اور ان کی زندگی میں کچھ بہت بڑا ہونے والا ہے۔

اسکے علاوہ ماہرِ نجوم سے مدیحہ نقوی نے ہمایوں سعید، ندا یاسر اور ساحل لودھی سے متعلق بھی سوالات کیے تھے۔

ہمایوں سعید کے بارے میں ماہرِ نجوم نے کہا کہ ماضی، حال، اور مستقبل قریب میں انہیں عزت اور شہرت حاصل رہے گی کیونکہ پیسہ اور شہرت ان کی طرف خود بخود آتی ہے۔ وہ جو بھی کاروبار کریں گے، کامیاب ہوں گے، حالانکہ آنے والے سال میں کچھ چیلنجز بھی ہو سکتے ہیں، لیکن سب کچھ ٹھیک رہے گا۔