گھی لگائیں بالوں کو گھنا سیاہ اور چمکدار بنائیں مگر کیسے؟ جانیئے گھی سے بالوں کی نشونما کا جادوئی ٹوٹکا

گھنے لمبے اور نرم و ملائم بال ہر ایک ہی خواہش ہوتی ہے کیونکہ بال ہی آپ کی شخصیت کو نکھارنے میں اہم کردار ادا کرتے ہیں، تاہم خواتین اپنے بالوں کو لے کر کافی فکر مند نظر آتی ہیں اور انہیں سنوارنے اور نکھارنے کے لئے کوشش میں لگی رہتی ہیں۔
روکھے سوکھے بےجان اور بےرونق بالوں کی وجہ سے پریشان خواتین کے لئے آج ہم لائے ہیں ایک بہترین اور منفرد ٹوٹکا جو اپنا کر آپ پا سکیں گی گھنے سیاہ اور چمکدار بال، جبکہ مرد بھی اس ٹوٹکے سے اپنے بالوں کی نشونما کو یقینی بنا سکتے ہیں۔

• بالوں کی نشونما کے لئے گھی کا استعمال

سردیوں میں موسم خشک ہونے کی وجہ سے بال گرنے کی شکایت مرد اور خواتین دونوں کو ہوتی ہے، موسم سرما میں بالوں کے لیے اکثر لوگ پریشان رہتے ہیں اور وہ اس حوالے سے مختلف ٹوٹکے بھی استعمال کرتے ہیں، لیکن اگر آپ گھی کا استعمال کریں تو آپ کو حیرت انگیز نتائج حاصل ہو سکتے ہیں۔ گھی میں وٹامن ڈی اور اے وافر مقدار میں پائے جاتے ہیں، جو بالوں کو گرنے سے روکنے میں بہت زیادہ مدد فراہم کرتے ہیں اور ساتھ ہی بالوں کو سیاہ کرتے ہیں اور ان کی نشونما یقینی بناتے ہیں۔ سر پر اور بالوں پر گھی لگانے سے کیا کیا فوائد حاصل ہو سکتے ہیں آیئے آپ کو بتاتے ہیں۔

بالوں میں گھی لگانے کے حیرت انگیز فوائد

• کھجلی اور خشکی کا خاتمہ

گھی سے اگر بالوں کی جڑوں میں مالش کی جائے تو اس سے خشکی، رنگت کی کمی، کھجلی اور مردہ بال چمک دار ہوجاتے ہیں جبکہ اسے خشکی ختم کرنے کا آزمودہ ٹوٹکا بھی قرار دیا جاتا ہے۔

• کنڈشنر

گھی کو اگر بالوں کا قدرتی کنڈشنر کہا جائے تو غلط نہ ہوگا، یہ بالوں پر لگانے سے بال اس قدر خوبصورت نرم و ملائم اور چمکدار ہو جاتے ہیں کہ جو دیکھے گا حیران رہ جائے اس کے لیے آپ کو دو کھانے کے چمچ گھی میں اتنی ہی مقدار میں زیتون آئل شامل کر کے اس سے سر کی مالش کرنا ہے، جس سے وٹامن ای کی کمی دور ہوگی اور بال سیدھے، نرم ہوجائیں گے۔

• بالوں کی نشونما

بالوں کو لمبا اور گھنا کرنا ہر ایک کا خواب ہے مگر اسے حقیقت بنانے کے لئے گھی اہم کردار ادا کر سکتا ہے، بالوں کو لمبا کرنے کے لیے اومیگا تھری، اومیگا نائن کی ضرورت ہوتی ہے، جو گھی میں پہلے سے ہی موجود ہے اس کو اگر آپ سر پر لگائیں گے تو بالوں کی نشوونما بہت تیزی سے ہوگی اور آپ کے بال لمبے اور گھنے ہو جائیں گے۔

• بالوں کی چمک اور مضبوطی

گھی بالوں کو چمکدار اور لچکدار بنانے میں اہم کردار ادا کرتا ہے، اس کے استعمال سے بال گرتے نہیں ہیں اور یہ جڑوں سے سِروں تک بالوں کو مضبوط بناتا ہے۔

By Sadia    |    In Tips and Totkay   |    0 Comments    |    1489 Views    |    29 Dec 2021

Comments/Ask Question

Read Blog about گھی لگائیں بالوں کو گھنا سیاہ اور چمکدار بنائیں مگر کیسے؟ جانیئے گھی سے بالوں کی نشونما کا جادوئی ٹوٹکا and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (گھی لگائیں بالوں کو گھنا سیاہ اور چمکدار بنائیں مگر کیسے؟ جانیئے گھی سے بالوں کی نشونما کا جادوئی ٹوٹکا ) and how to utilize other natural ingredients to cure diseases, easy recipes, and other information related to food from KFoods.