چین میں گھڑی کا تحفہ دینے پر لڑائی کیوں ہوجاتی ہے؟ عجیب و غریب رواج جس پر سگے رشتے بھی دشمن بن سکتے ہیں

تحفہ دینا ایک اچھی روایت ہے۔ عام طور پر لوگ تحائف دینے کے لئے گھڑیوں کا انتخاب کرتے ہیں جو نہ صرف وقت بتاتی ہیں بلکہ اسٹیٹس کی پہچان بھی ہوتی ہیں۔ البتہ چین میں یہ صورت حال کافی مختلف ہے کیوں یہاں گھڑی کا تحفہ دینا دوست کو اپنا دشمن بنانے کے برابر سمجھا جاتا ہے۔ ایسا کیوں ہے؟ آیے جانتے ہیں۔

گھڑی دینا برا شگن

چین میں گھڑی دینا کسی کے جنازے میں شرکت کی نشانی مانا جاتا ہے یعنی اس سے مراد کہ جسے گھڑی دی جارہی ہے وہ بہت جلد مر جائے گا۔ اس کے علاوہ گھڑی دینے کو وقت گزرنے کا احساس دلانا بھی سمجھا جاتا ہے۔

سختی سے منع

ان وجوہات کی بنا پر چین میں اپنے سے اونچے بلکہ ہر طرح کے لوگوں کو تحفتاً رسٹ واچ یا وال کلاک دینا سختی سے منع ہے۔ ایسی صورت میں چینی اپنے دوستوں سے لڑنے سے بھی گریز نہیں کرتے۔