ایشوریہ رائے کو راکھی ساونت سے کیوں ملایا جا رہا ہے؟ سابق ملکہِ حسن کی سعودی فلم فیسٹیول سے ویڈیو وائرل

Fans Compared Aishwarya Rai Bachchan Latest Appearance To Rakhi Sawant

ایشوریہ رائے بچن، جو کبھی مس ورلڈ اور بالی ووڈ کی بے تاج ملکہ کہلاتی تھیں، ہمیشہ اپنی خوبصورتی اور نرمی بھری شخصیت کی وجہ سے دلوں پر راج کرتی رہی ہیں۔ شادی اور ماں بننے کے بعد اگرچہ انہوں نے فلموں سے کچھ فاصلہ رکھا، مگر ان کی مقبولیت آج بھی کم نہیں ہوئی۔

حالیہ دنوں میں ایشوریہ رائے بچن جدہ میں ہونے والے ریڈ سی فلم فیسٹیول میں جلوہ گر ہوئیں، جہاں انہوں نے سیاہ رنگ کے خوبصورت گاؤن میں ایک خصوصی سیشن کے دوران اپنی زندگی اور سینما پر بات کی۔ ان کی موجودگی کی ویڈیوز پلک جھپکتے ہی وائرل ہوگئیں۔

وقت گزرنے کے ساتھ اُن کی شخصیت میں آنے والی تبدیلیاں فینز کی نظروں سے اوجھل نہ رہ سکیں— آخر عمر کسی پر رحم نہیں کرتی، اور وہ بیس سال کی لڑکی تو رہی نہیں۔

مگر بدقسمتی سے سوشل میڈیا ہمیشہ کی طرح سخت نکلا۔ کچھ لوگوں نے ان کے بدلے ہوئے چہرے کو لے کر عجیب و غریب تبصرے شروع کر دیے۔ کئی صارفین نے انہیں راکھی ساونت سے ملانا شروع کر دیا— وہی راکھی جسے چہرے پر حد سے زیادہ فلرز کروانے پر طویل عرصے سے تنقید کا سامنا ہے۔ اب یہی الزامات ایشوریہ کی جانب بھی پھینکے جا رہے ہیں۔

تنقید کرنے والوں نے تو حد ہی کر دی۔ کسی نے لکھا، مجھے لگا یہ راکھی ساونت ہے!

دوسرے نے مذاق اڑاتے ہوئے بولا، واہ! راکھی ساونت کی انگلش بہت اچھی ہوگئی ہے۔

ایک صارف نے کہا، قدرتی چہرہ ہمیشہ خوبصورت ہوتا ہے، ان کے چہرے کی وہ خاص چمک اب باقی نہیں رہی۔

سوشل میڈیا کا یہ رویّہ ایک بار پھر یہ ثابت کرتا ہے کہ شہرت کے ساتھ محبت کم، اور تنقید زیادہ ملتی ہے— اور خواتین کے بڑھتی عمر پر طنز کرنا ہمارے معاشرے کی ایک تلخ حقیقت بن چکی ہے۔