رات کے کھانے کے بعد چہل قدمی کرنے سے کیا ہوتا ہے؟ جانیئے اس کے حیرت انگیز فوائد تاکہ آپ بھی آج ہی سے یہ عادت اپنا لیں

ہم سب اپنی روز مرہ زندگی میں انتہائی مصروف ہیں اور عام طور پر مناسب ورزش کے لیے وقت نہیں ملتا، یہ ہماری صحت کو منفی طور پر متاثر کر رہا ہے۔
اگر آپ باقاعدگی سے جِم نہیں جا سکتے تو آپ کوئی بھی کھیل کھیل سکتے ہیں یا رات کے کھانے کے بعد تیز چہل قدمی کر سکتے ہیں، رات کے کھانے کے بعد چہل قدمی کرنے سے سونے کے وقت اور رات کے کھانے کے درمیان وقفہ بڑھ جاتا ہے جو کہ انتہائی ضروری ہے، رات کے کھانے کے بعد چلنے کے مزید فوائد یہ ہیں۔

• نظامِ ہاضمہ

رات کے کھانے کے بعد چہل قدمی آپ کے جسم کو زیادہ حرارت اور قوت ملتی ہے جس سے کھانا صحیح طرح ہضم ہوجاتا ہے چہل قدمی سے آپ کا معدہ کھانے سے ملنے والے غذائی اجزاء کو بہتر طریقے سے جذب کرتا ہے قبض دور کرتا ہے اور پیٹ سے جڑے دیگر مسائل کا خاتمہ کرتا ہے۔

• میٹابولزم بڑھائے

میٹابولزم بڑھانے کا سب سے آسان طریقہ یہی ہے کہ رات کے کھانے کے بعد لیٹنے کے بجائے فوری چہل قدمی کے لئے جائیں اس سے آپ کے جسم میں موجود اضافی کیلوریز کا خاتمہ ہوگا اور آپ کی جسامت بہتر ہوگی۔

• قوتِ مدافعت میں اضافہ

کھانا کھانے کے قریب 30 منٹ بعد بلڈ شوگر میں اضافہ شروع ہو جاتا ہے اگر آپ رات کے کھانے کے بعد چہل قدمی کے لیے جاتے ہیں، تو کچھ گلوکوز آپ کا جسم استعمال کر لیتا ہے، جو بلڈ شوگر لیول کو کنٹرول میں رکھنے میں مدد کرتا ہے۔

• بےوقت بھوک مٹائے

اگر رات کے کھانے کے بعد بھی آپ کو بیچ میں بھوک محسوس ہو تو یہ آپ کا وزن بڑھنے کی سب سے بڑی وجہ ہو سکتی ہے، رات کے کھانے کے بعد اگر چہل قدمی کو عادت بنا لیا جائے تو اس سے بے وقت کی بھوک کا خاتمہ ہوتا ہے اور آپ میٹھا وغیرہ کھانے سے پرہیز کرتے ہیں۔

• بہتر نیند

رات کے کھانے کے بعد چہل قدمی کرنے سے جسمانی صحت کے ساتھ ساتھ ذہنی صحت میں بھی اضافہ ہوتا ہے اور جب آپ کا دماغ پُرسکون ہوتا ہے تو نیند بھی بہتر آتی ہے۔

• ذہنی دباؤ

پیدل چلنے سے جسمانی تناؤ اور ذہنی دباؤ کم ہوتا ہے رات کے کھانے کے بعد چہل قدمی آپ کو خوش رکھ سکتی ہے اور ڈپریشن کو شکست دے سکتی ہے۔