دھوراجی کے مشہور میمنی دال چاول گھر پر کیسے بنائیں؟ طریقہ میمن شیف نے خود بتا دیا، آپ بھی ٹرائے کریں

دال چاول تو ہم سب کے گھر میں ہی بنتے ہیں، لیکن اسکے ذائقے مختلف ہوتے ہیں کیونکہ ہر کوئی اپنے طرز کی دال بناتا ہے۔ اور جب بات ہو بہترین دال کی تو میمنی دال کو ہم کیسے بھول سکتے ہیں، میمن لوگوں کے کھانے کراچی میں کافی مقبول ہیں اور لوگ انہیں پسند بھی کرتے ہیں۔تو آج ہم لائے ہیں آپ کیلیئے میمن اسٹائل دال کی ریسیپی، جس کے بعد آپکو دھوراجی جا کے دال کھانے کی ضرورت نہیں پڑے گی

دال کی ترکیب

ایک کپ چنے کی دال، آدھا کپ مونگ کی اور آدھا کپ مسور کی دال کو دو گھنٹوں کیلیئے بھگا کر رکھ دیں، اسکے بعد ایک دیگچی میں 3 گلاس پانی گرم کر کے اس میں یہ دالیں شامل کریں۔ اب اس میں کٹی ہوئی پیاز 1 عدد بڑی والی، آدھا چمچ ادرک لہسن پیسٹ، 1 چمچ ہلدی، 3 سے 4 ہری مرچ اور 3 تیز پتے ڈال کر 10 سے 15 منٹ کیلیئے ڈھکن ڈھاک کر گلنے کیلیئے چھوڑ دیں درمیانی آنچ پر۔ جب دال گَل جائے تو اسے گھونٹ کر سائیڈ پر رکھ دیں۔

دال کا مصالحہ بنانے کیلیئے

۔ دیگچی میں آدھا کپ تیل گرم کر کے اس میں 1 چھوٹا چمچ زیرہ اور 1 بڑا چمچ ادرک لہسن پیسٹ ڈال کر ہلکا براؤن کریں پھر اس میں ایک بڑا ٹماٹر کٹا ہوا، 1 چمچ دھنیا پاؤڈر، 2 چمچ لال مرچی، آدھا چمچ کٹا ہوا زیرہ اور حسبِ ذائقہ نمک شامل کرکے اسے بھون لیں۔۔ ایک پاؤ لوکی کو چکور ٹکڑوں میں کاٹ کر مصالحے میں ڈالیں اور 2 منٹ پکانے کے بعد اس میں ایک گلاس پانی شامل کرکے درمیانی آنچ پر ڈھکن لگا کر پکنے دیں تاکہ لوکی گل جائے

دال اور مصالحے کو مکس کرنا

۔ جب لوکی گل جائے اور پانی سوکھ جائے تو اس مصالحے کو دال میں ڈال کر مکس کرلیں، یہ دال کیونکہ تھوڑی کھٹی ہوتی ہے اسلیئے ہم آدھا کپ املی کا پانی اسمیں ڈالیں گے اور ایک چمچ گرم مصالحہ پاؤڈر ۔ 5 منٹ درمیانی آنچ پر ڈھک کے دال کو پکائیں کہ وہ تھوڑی گاڑھی ہوجائے پھر چولہا بند کردیں

تڑکے کیلیئے

گرم تیل میں 4 سے 5 موٹی لال مرچ اور آدھا چمچ پسی لال مرچ ڈال کے 2 منٹ پکائیں پھر دال پر تڑکا لگادیں
مزیدار میمنی اسٹائل دال چاول تیار ہیں اسے سلاد چٹنی کے ساتھ نوش فرمائیں

By Salwa  |   In News  |   0 Comments   |   492 Views   |   22 Sep 2022
Related Articles
Top Trending
Comments/Ask Question

Read Blog about دھوراجی کے مشہور میمنی دال چاول گھر پر کیسے بنائیں؟ طریقہ میمن شیف نے خود بتا دیا، آپ بھی ٹرائے کریں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (دھوراجی کے مشہور میمنی دال چاول گھر پر کیسے بنائیں؟ طریقہ میمن شیف نے خود بتا دیا، آپ بھی ٹرائے کریں) and how to utilize other natural ingredients to cure diseases, easy recipes, and other information related to food from KFoods.