آواز سے ہی درد جھلک رہا۔۔ میرا سیٹھی کی طلاق کتنے سال پہلے ہوئی؟ ذاتی زندگی سے متعلق انکشاف پر صارفین بھی حیران

Mira Sethi Break Silence And Confirms Divorce

پاکستانی ڈرامہ انڈسٹری کی باصلاحیت اداکارہ اور مصنفہ میرا سیٹھی نے حال ہی میں اپنی نجی زندگی کے بارے میں ایک چونکا دینے والا انکشاف کیا۔ کچھ ان کہی، محبت صبح کا ستارہ ہے سمیت کئی کامیاب ڈراموں میں عمدہ اداکاری کرنے والی میرا کا تعلق ایک نامور صحافتی گھرانے سے ہے۔ اُن کے والدین پاکستان کے معتبر صحافی اور ٹی وی شخصیات ہیں، جبکہ بھائی علی سیٹھی اپنی گائیکی سے دنیا بھر میں پہچانے جاتے ہیں۔

میرا سیٹھی نے نومبر 2019 میں طویل رفاقت کے بعد بلال صدیقی سے کیلیفورنیا میں شادی کی تھی۔ لیکن اب اداکارہ نے پہلی بار اس رشتے کے انجام کے بارے میں کھل کر بات کی ہے۔ سوشل اور ڈیجیٹل پلیٹ فارم پر صحافی صباحت زکریا کو دیے گئے انٹرویو میں میرا نے بتایا کہ وہ مارچ 2023 میں بلال صدیقی سے علیحدہ ہوچکی ہیں۔

انہوں نے بڑے پُرسکون انداز میں کہا،

کچھ ان کہی، کی ریکارڈنگ کے چند ماہ بعد میری طلاق ہو گئی۔ یہ تقریباً ڈھائی سال پہلے کی بات ہے۔ اُس وقت میری زندگی میں ایک نازک مگر مضبوط مرحلہ تھا۔ خوش قسمتی سے ڈرامے کا کام میرے لئے سہارا بن گیا۔ میں ہر صبح سیٹ پر جاتی اور اپنا دل مصروف رکھتی۔ ظاہر ہے سجل، احمد صاحب اور ندیم بیگ سب حقیقت جانتے تھے، اور انہوں نے مجھے بے حد نرمی اور محبت سے سنبھالا۔

مداحوں اور دوستوں کی جانب سے میرا کے اس حوصلے کو بھرپور سراہا جا رہا ہے۔ سوشل میڈیا پر لوگ اُن کی ہمت، سکون اور جرات کی تعریف کرتے ہوئے کہہ رہے ہیں کہ میرا سیٹھی نے ایک مشکل وقت میں جس وقار اور وقوف کے ساتھ خود کو سنبھالا، وہ بہت کم دیکھنے کو ملتا ہے۔ اور کچھ نے ان کی گفتگو کو محسوس کرتے لکھا، میرا کی آواز میں درد صاف نظر آ رہا ہے۔