ڈینگی کے وار۔۔ ڈینگی کے مریض کو یہ جوس پلائیں، پلیٹلیٹس تیزی سے بڑھنے لگیں گے

بارش کے موسم میں مچھر بہت سی بیماریاں پھیلاتے ہیں جن میں سب سے خطرناک ڈینگی ہے۔ اور آج کل تو ہمارا ملک سیلاب کی لپیٹ میں ہے جس کے بعد کئی وبائیں اور بیماریاں پھوٹ پڑی ہیں جس میں ڈینگی سرِ فہرست ہے۔ یہ بیماری جان لیوا بھی ثابت ہوتی ہے اگر اس کا فوری علاج نہ کیا جائے۔ اس بیماری میں پلیٹلیٹس تیزی سے کم ہو جاتے ہیں۔ اس لیے مریض کی خوراک کا خیال رکھنا ضروری ہے۔ اچھی خوراک اور اس کے ساتھ ایسے جوسز جن سے کم ہوئے پلیٹلیٹس تیزی سے بڑھیں ان کا استعمال ضروری ہے۔ یہاں ہم آپ کو کچھ ایسے جوسزکے بارے میں بتا رہے ہیں جس سے پلیٹلیٹس تیزی سے بڑھتے ہیں اور کمزوری بھی دور ہوتی ہے۔

٭گیلوئے کے پتوں کا رس پینے سے ڈینگی کا خطرہ بھی کم ہو سکتا ہے۔ یہ قوت مدافعت کو بڑھاتا ہے اور پلیٹلیٹس کو بھی بڑھاتا ہے۔

٭پپیتے کے پتوں کا رس پینے سے پلیٹ لیٹس تیزی سے بڑھتے ہیں۔ ڈینگی کے مریض پپیتے کے پتوں کا رس پی لیں۔

٭انار ایک غذائیت سے بھرپور پھل ہے۔ ڈینگی میں انار کا جوس پینے سے ہیموگلوبن اور پلیٹلیٹ کا شمار بڑھتا ہے۔ جس کی وجہ سے جلد صحت یابی ہوتی ہے۔

٭جسم میں خون کی تشکیل کے لیے وافر مقدار میں پانی کی ضرورت ہوتی ہے۔ ڈینگی کی صورت میں ناریل کا پانی پینے سے جسم میں پانی کی کمی پوری ہوجاتی ہے۔ اس کی وجہ سے پلیٹ لیٹس تیزی سے بڑھتے ہیں۔

٭چقندر اینٹی آکسیڈنٹس سے بھرپور ہوتا ہے۔ اس سے ہیموگلوبن اور پلیٹ لیٹس بہتر ہوتے ہیں۔ اگر آپ ڈینگی کے مریض ہیں تو آپ چقندر کا رس یا چقندر ہی پی سکتے ہیں۔

٭ڈینگی میں گندم کی گھاس کا رس پینے سے مریض کی حالت جلد بہتر ہوجاتی ہے۔ گندم کی گھاس سے بنے اس جوس کو پینے سے پلیٹ لیٹس تیزی سے بڑھتے ہیں۔

٭سیب کے جوس میں لیموں کا رس نچوڑ کر مریض کو پلائیں اس سے بھی پلیٹلیٹس تیزی سے بڑھتے ہیں۔

By Afshan  |   In Health and Fitness  |   0 Comments   |   1228 Views   |   19 Sep 2022
Related Articles
Top Trending
Comments/Ask Question

Read Blog about ڈینگی کے وار۔۔ ڈینگی کے مریض کو یہ جوس پلائیں، پلیٹلیٹس تیزی سے بڑھنے لگیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ڈینگی کے وار۔۔ ڈینگی کے مریض کو یہ جوس پلائیں، پلیٹلیٹس تیزی سے بڑھنے لگیں گے) and how to utilize other natural ingredients to cure diseases, easy recipes, and other information related to food from KFoods.