ڈینگی بخار سے جلد سے جلد کیسے جان چھڑائی جائے؟ جانیئے چند ایسے گھریلو نسخے جن سے ڈینگی بخار سے بچا جا سکتا ہے

دن بہ دن ملک میں ڈینگی کے کیسز میں اضافہ ہوتا جا رہا ہے، ڈینگی مچھروں کے کاٹنے کی وجہ سے ہوتا ہے ڈینگی کی علامات میں سر درد، الٹی، جسم میں درد، جوڑوں میں درد، آنکھوں میں درد، بخار اور نزلہ زکام شامل ہیں۔
اگر بروقت ڈینگی کی تشخیص کر کے اس کا مکمل علاج نہ کروایا جائے تو یہ جان لیوا بھی ثابت ہو سکتا ہے شدید نوعیت کے ڈینگی میں مبتلا ہونے پر خون میں اُلٹیاں، دانتوں اور مسوڑھوں سے خون، تھکان اور پیٹ درد ہوتا ہے ایسے میں اگر فوری ڈاکٹر سے رجوع نہ کیا جائے یا پھر گھریلو علاج کی مدد سے ڈینگی بخار نہ ختم کیا جائے تو یہ جان کے لئے خطرناک ثابت ہوتا ہے۔
آیئے آپ کو ڈینگی بخار سے نجات کے لئے چند گھریلو نسخے بتاتے ہیں جن کو اپنا کر آپ ڈینگی بخار کو فوری طور پر کم کر سکتے ہیں۔

• میتھی کے پتے

میتھی کے پتے جسم درد کو دور کرنے کے لئے بہترین ہیں، اگر میتھی کے پتوں کو رات بھر پانی میں بھگو کر صبح اس کا پانی پی لیا جائے تو اس سے جسم درد ختم ہوگا اور آپ کو آرام ملے گا۔

• کینو کا رس

یہ تو ہم سب ہی جانتے ہیں کہ وٹامن سی ہمارے لئے بےحد ضروری ہے اور کینو کا رس وٹامن سی سے بھرپور ہوتا ہے، وٹامن سی کے استعمال سے استعمال سے قوتِ مدافعت میں اضافہ ہوتا ہے قوتِ مدافعت بڑھنے سے انسانی جسم میں بیماریوں سے لڑنے کی قوت پیدا ہوتی ہے۔

• نیم کے پتے

نیم کے پتے اپنی علاج کی خصوصیات کی بنا کر بےحد مقبول ہیں نیم کے پتوں کے استعمال سے جسم میں بیکٹیریا اور وائرس زیادہ دیر نہیں ٹکتے، یہ جسم میں وائٹ بلڈ سیلز اور پلیٹلٹس کی تعداد کو بھی بڑھاتے ہیں، آپ نیم کے پتوں کو پانی میں بھگو کر اس کو پی سکتے ہیں، یا پھر نیم کے پتوں کو ہانی میں اُبال کر بھی اسے پیا جا سکتا ہے، اس کی کڑواہٹ کو کم کرنے کے لئے اس میں شہد کا استعمال بھی ممکن ہے۔

• پپیتے کے پتے

پپیتے کے پتے ڈینگی بخار کو دور بھگانے کے لئے بہترین علاج کے طور پر استعمال ہوتے ہیں، یہ نہ صرف بخار کو ختم کر سکتے ہیں بلکہ یہ آپ کی قوتِ مدافعت کو بڑھا کر آپ کے پلیٹلٹس کاؤنٹ کو بھی بڑھا سکتے ہیں اس کے لئے پپیتے کے پتوں کو پیس کر اس کا پیسٹ کھا لیں یا پھر اس کا رس دن میں 2 مرتبہ پی لیں۔
حیرت انگیز طور پر تیزی سے بخار سے نجات مل جائے گی اور ڈینگی کی علامات بھی باقی نہیں رہیں گی۔