دانتوں کی تمام تکالیف، دانتوں کا ہلنا،ان کا پیلا پن،منہ کی بدبو،مسوڑھوں کی تمام تکالیف کا علاج۔۔ڈاکٹر عیسٰی کا آسان نسخہ

تندرستی ہزار نعمت ہے “ یہ بات آپ نے سنی ہوگی اور کبھی نہ کبھی اس بات کا یقین بھی آ گیا ہو گا۔ کیونکہ اس میں کوئی شک نہیں کہ تندرستی سے بڑی کوئی نعمت اور دولت نہیں ۔اس کی قدر انسان کو اس وقت ہوتی ہے جب وہ اس کو کھو دیتا ہے۔ آج کل تو ویسے ہی عجیب وغریب بیماریاں اوران کے مہنگے مہنگےعلاج سامنےآ رہے ہیں۔ اسکی وجہ خوراک میں ملاوٹ، صفائی ستھرائی کا ناقص انتظام، آلودگی، اور جنک فوڈ کا بے تحاشا استعمال شامل ہے ۔ اس کی وجہ سے ہر طرح کی بیماریاں حملہ آور ہوچکی ہیں ۔انہی بیماریوں میں ایک بڑا حصہ منہ کی اور دانتوں کی بیماریوں کا بھی ہے ،اس کی وجہ یہ ہے کہ پان،چھالیہ، گٹکے اور ماوے وغیرہ کا استعمال بہت زیادہ بڑھ گیا ہے۔ جس کی وجہ سے منہ کا کینسر اور دوسری بیماریاں جنم لیتی ہیں ۔ آج ہم یہاں ڈاکٹر عیسٰی کا ایسا نسخہ لے کر آئے ہیں جس کے استعمال سے آپ کے منہ اور دانتوں کی تمام تکالیف دور ہو جائیں گی اور ان کا دعوٰی ہے کہ اس منجن یا پاؤڈر کے استعمال سے آپ کے دانت لوہے کی طرح مضبوط ہو جائیں گے اور مسوڑھوں کی تمام تکالیف بھی دور ہوجائیں گی۔

سمندری جھاگ 50 گرام
سنگِ جراحت 50 گرام
لونگ 10 گرام
کالا نمک 10 گرام
پھٹکری 10 گرام
سہاگہ 25 گرام

سہاگہ اور پھٹکری کو استعمال سے پہلے توے یا فرائنگ پین میں روسٹ کر لیں ۔ اب ان سب چیزوں کو ملا کر پیس لیں اور باریک پاؤڈر بنا لیں ،آپ کا ٹوتھ پاؤدر یا منجن تیار ہے۔ اس کوصبح اور رات کو لازمی استعمال کریں ،چاہیں تو برش کے ساتھ یا چاہیں تو انگلی سے دانتوں پر لگا کر رگڑیں۔ کچھ عرصہ باقاعدہ استعمال سے دانتوں کا ہلنا بند،مسوڑھوں سے خون یا بدبو،یا دانتوں کا پیلا پن دور ہو جائے گا ۔لیکن اس کے ساتھ ساتھ کوشش کریں کہ منہ اور دانتوں کو نقصان پہنچانے والی اشیاء کا استعمال بھی ترک کردیں۔یہ آپ کی صحت کے لئے بھی بہت ضروری ہے اور صحت کی نعمت کی ناقدری نہ کریں اس کی حفاظت کریں۔