پہلے بغل کے بال صاف کرلیں پھر چاند پر بھی چلے جانا.. وسیم اکرم کی تنقید پر صارفین نے ایک بار پھر آڑے ہاتھوں لے لیا

گزشتہ دنوں سوئنگ کے سلطان وسیم اکرم جب اپنی فیملی کے ہمراہ آسٹریلیا میں موجود تھے انھوں نے سڈنی کے موسم سے لطف اندوز ہوتے ہوئے اپنی ایک تصویر انسٹاگرام پر شیئر کی جس کا کیپشن تھا "مارننگ، سڈنی میں ایک خوبصورت دن"

وسیم اکرم نے یہ تصویر ڈالی ہی تھی کہ کچھ دیر بعد ایک صارف نے انھیں صفائی کے اصول یاد دلاتے ہوئے لکھا کہ "بغل کے بال کاٹ لیں"

صارف کا یہ تبصرہ پڑھتے ہی وسیم اکرم غصے میں آگئے اور صارف پر جوابی تیر چلاتے ہوئے لکھا کہ ’دنیا چاند پر پہنچ چکی ہے اور میرے ملک میں احمق بغل کے بالوں کی بات کررہے ہیں۔ یہ ظاہر کرتا ہے کہ ہم ایک ملک کے طور پر کہاں ہیں اور ہماری ثقافت حیران کن ہے"

البتہ سوشل میڈیا صارفین کو وسیم اکرم کا عوام سے اس انداز میں بات کرنا قطعی نہیں بھایا. صارفین نے نیچے تبصرہ کرتے ہوئے مزید لکھا کہ "صارف نے آپ کو اچھا مشورہ دیا ہے جیسے دنیا میں تباہی ہے ویسے ہی اس طرح جا کر چاند پر تباہی پھیلاؤ گے"

اسی طرح ایک صارف نے لکھا کہ چاند پر چلے جانا لیکن پہلے بغل کے بال صاف کر لیں جبکہ کچھ صارفین کا کہنا ہے کہ بغل کے بال کا چاند پر جانے سے کوئی تعلق نہیں البتہ حفظانِ صحت کے اصولوں پر عمل کرنے کے لئے یہ ضروری ہے.