ڈائپر پہنانے کی وجہ سے بچے کے ریشز ہو جاتے ہیں ۔۔ جانئیے بچوں کے ریشز دور کرنے کے لئے بہترین گھریلو نسخے جو دیں آپ کے بچے کو آرام

تصور کیجیے کہ آپ کو گیلے کپڑوں میں دو گھنٹے یا اس سے بھی زیادہ رہنے پر مجبور کیا جائے تو کیا آپ رہ سکیں گے؟ ایسی صورت حال کے بارے میں سوچنا ہی آپ کو پریشان کر سکتا ہے، تو ذرا سوچیں کریں کہ یہ آپ کے چھوٹے بچے کے لیے کیسا ہوگا؟
گیلے اور گندے لنگوٹ یا ڈائپر کی بدولت نوزائیدہ بچے کو نہ صرف ٹھنڈ لگتی ہے بلکہ ان کی نازک جلد پر ریشز بھی ہو جاتے ہیں، جس کی وجہ سے بچے بہت روتے ہیں اور ان کی۔ جلد میں انفیکشن کا خطرہ بھی بڑھ جاتا ہے۔
اگر آپ ان ضدی ریشز سے بچے کو دور رکھنا چاہتے ہیں تو ہمارے بتائے ہوئے گھریلو نسخے ضرور آزمائیں۔

بچوں کے ڈائپر ریشز ختم کرنے کے لئے گھریلو نسخے

ناریل کا تیل

ناریل کا تیل اینٹی بیکٹیریل خصوصیات کا حامل ہوتا ہے، بچے کو نہلانے دھلانے کے بعد اپنے ہاتھوں پر ناریل کا تیل لگائیں اور بچے کی ٹانگوں اور جلد پر جہاں جہاں ریشز ہو رہے ہوں ناریل کا تیل لگا دیں اسے کم سے کم دن میں 2 مرتبہ ضرور لگائیں۔

بیکنگ سوڈا

2 کھانے کے چمچ بیکنگ سوڈا لیں اسے 2 گلاس یا 3 گلاس نیم گرم پانی میں گھول لیں، اب اس پانی سے بچے کی ٹانگیں اور نچلہ حصہ دھلائیں، ریشز جلد ختم ہو جائیں گے دانے سوکھ جائیں گے۔

ٹی ٹری آئل

1 کھانے کے چمچ ناریل کے تیل میں 2 سے 4 قطرے ٹی ٹری آئل شامل کریں، اسے مکس کر کے بچے کے لگائیں، اس عمل کو کم سے کم دو مرتبہ روزانہ ایک ہفتے تک دہرائیں ریشز سے نجات مل جائے گی۔

ایلوویرا جیل

ایلوویرا جیل اینٹی بیکٹیریل اینٹی سیپٹک خصوصیات رکھتا ہے، 1 سے 2 چمچ تازہ ایلوویرا جیل لیں اور بچے کے جہاں جہاں ریشز ہو وہاں لگائیں، جلد نرم وملائم ہو جائے گی اور ریشز آہستہ آہستہ ختم ہو جائیں گے۔

ناریل کا تیل اور بیکنگ سوڈا

ناریل کے آدھے کپ تیل میں 4 کھانے کے چمچ بیکنگ سوڈا ڈال کر اچھی طرح مکس کرلیں، جب یہ کریم کی شکل اختیار کر جائے تو اسے کسی برنی میں بھر کر رکھ لیں، اب روزانہ دن میں 2 سے 3 مرتبہ یہ ہوم میڈ کریم بچے کے لگائیں ریشز سے نجات پائیں۔

By Sadia    |    In Health and Fitness   |    0 Comments    |    5146 Views    |    20 Dec 2021

Related Articles

Comments/Ask Question

Read Blog about ڈائپر پہنانے کی وجہ سے بچے کے ریشز ہو جاتے ہیں ۔۔ جانئیے بچوں کے ریشز دور کرنے کے لئے بہترین گھریلو نسخے جو دیں آپ کے بچے کو آرام and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ڈائپر پہنانے کی وجہ سے بچے کے ریشز ہو جاتے ہیں ۔۔ جانئیے بچوں کے ریشز دور کرنے کے لئے بہترین گھریلو نسخے جو دیں آپ کے بچے کو آرام) and how to utilize other natural ingredients to cure diseases, easy recipes, and other information related to food from KFoods.