کیا سلادکھانے سے بھی کوئی فائدہ ہوتا ہے ؟ سلاد سے متعلق کچھ ایسی باتیں جو شاید ایک عام انسان نہ جانتا ہو

پیاز،کھیرے اور ٹماٹر کو ایک ساتھ کاٹ کر کھانا سب سے سادہ سلادکہلاتا ہے جو عموماً دوپہر کے کھانے کے ساتھ زیادہ استعمال کیا جاتا ہے۔ کچھ لوگ اس میں گوبھی، چقندر، سلاد پتہ، ککڑی، کریم اور دیگر پسند کی سبزیوں کا استعمال کرلیتے ہیں اور ذائقے کے حساب سے کھاتے ہیں لیکن اس سلاد کو کھانے سے بھی کوئی فائدہ ہوسکتا ہے یا پھر یہ صرف ایک وہم ہے ۔؟ اس حوالے سے سائنس کیا کہتی ہے؟

ڈاکٹر اور حکیم کی سلاد سے متعلق کیا رائے ہے؟

سلاد اور ہماری صحت:

ہر کھانے کے ساتھ سلاد کھانے سے کھانا جلد ہضم ہوتا ہے یہ تو ہم سب ہی جانتے ہیں اور یہ حقیقت ہے کیونکہ ہم جو کھاناکھاتے ہیں اس میں آئل کا استعمال بھی ہوتا ہے اور مرچ مصالحوں کا بھی جوکھانے کو پیچیدہ بنا دیتے ہیں اور معدے کے لئے ان غذاؤں کا ہضم کرنا مشکل ہو جاتا ہے اس لئے کہا جاتا ہے کہ کھانے کے ساتھ سلاد کا استعمال کریں۔ اس سے کولیسٹرول بھی کنٹرول میں رہتا ہے اور یہ ڈپریشن کو کم کرنے میں مدد دیتی ہے۔ جب ہم پریشان ہوجاتے ہیں تو یا تو بھوک بالکل بھی نہیں لگتی یا پھر بہت زیادہ بھوک لگتی ہے جس سے وزن میں تیزی سے اضافہ یا کمی ہوتی ہے جو صحت کی خرابی کا باعث بنتی ہے۔ اگر آپ بھی انہی مسائل سے دوچار ہیں تو اب سے ڈپریشن میں مصالحےوالے کھانوں کی جگہ سلاد جیسی ہلکی پھلکی غذا کا استعمال کریں۔

سلاد اور موڈ:

سلاد ہمارے موڈ کو بہتر بنانے میں ایک اہم جز ہے اور یہ اس وجہ سے کیونکہ کھیرے اور پیاز، ٹماٹر یہ وہ سبزیاں ہیں جن میں موڈ بوسٹر قدرتی طور پر استعمال ہوتا ہے جو چبا کر کھانے سے دماغ میں بھی ریلیکسنگ ہارمونز پیدا ہوتے ہیں۔

سلاد اور خوبصورتی:

چونکہ سلاد میں کسی قسم کی کوئی ملاوٹ نہیں ہوتی اور یہ تمام سبزیاں بیوٹی پراڈکٹس کے اہم جز کے طور پر استعمال ہوتی ہیں یہ جلد کے ٹشوز اور فولیکلز کو صاف کرنے کے کام بھی آتا ہے۔

ضروری کیوں؟

ڈاکٹروں کے مطابق:
سلاد کھانے میں اس لئے کھانا ضروری ہے کیونکہ اس سے جسم میں اضافی طاقت پیدا ہوتی ہے جو آپ کے بڑھتے وز ن اور اضافی کیلوریز کو نکالنے میں مفید ہوتی ہے اس لئے اگر آپ کھانے کے ساتھ یہ سبزیاں بطور سلاد کھائیں تو یہ مفید ہے۔
ٹماٹر اور کھیرے کی جِسے ہم سلاد کے طور پر کھاتے ہیں۔ جدید تحقیق کے مطابق ان دونوں کو ملاکر کھانے سے جسم کے بائیو کیمیکل پاتھ ویز متاثر ہوتے ہیں اور سوزش کا خطرہ بڑھ جاتا ہے۔ ماہرین کا کہنا ہے کہ ٹماٹر اگر کھیرے کے ساتھ ملا کر کھایا جائے تو دونوں سبزیوں کے وٹامنز ڈائجسٹ نہیں ہوپاتے اسی لیے دونوں سبزیوں کو ایک سلاد میں ملانے سے پرہیز کریں اور ان کے ساتھ دیگر سبزیاں بھی استعمال کی جائیں تو یہ صحت کو بھی بہتر کرتے ہیں اور شوگر کی مقدار کو بھی کنٹرول میں رکھتے ہیں۔