اگر آپ گوشت زیادہ کھاتے ہیں مگر صحت مند نہیں۔۔۔ تو دالیں کھانا شروع کر دیں، جانیں دالوں کے صحت پر گوشت سے زائد فوائد

دالیں چکناہٹ سے پاک اور فائبر حاصل کرنے کا بہترین زریعہ ہیں، جبکہ گوشت چکناہٹ سے بھرپور ہوتا ہے اور دالوں کے مقابلے میں گوشت کے فوائد اتنے صحت مندانہ نہیں ہیں۔
ماہرین کے مطابق دالوں میں بھرپور غذائیت ہوتی ہے، جن کے زریعے پروٹین، منرلز اور وٹامن وافر مقدار میں حاصل کیا جا سکتا ہے، دالوں کے استعمال سے وزن کم ہوتا ہے، جبکہ یہ بلڈ پریشر اور بلڈ شوگر جیسی بیماریوں سے دور رکھنے میں بھی مدد فراہم کرتی ہیں۔

ماہرین کا کہنا ہے کہ دالوں کو اپنی روزمرّہ کی غذاؤں میں زیادہ سے زیادہ استعمال کرنا چاہیئے انہیں مختلف ترکیبوں سے پکا کر اور سوپ بنا کر پینا چاہیئے۔

آج ہم آپ کو دالوں کے چند ایسے فوائد بتانے والے ہیں جنہیں جان کر آپ بھی دالوں کو شوق سے کھانے لگیں گے۔

دالوں کے استعمال سے صحت پائیں

• دالوں میں گلائسیمک انڈیکس موجود ہوتا ہے جو خون میں شوگر کی سطح کو کم کرتا ہے۔

• ہر قسم کی دال، مونگ، ماش، چنا، مسور، ارہر، لوبیا وغیرہ میں نباتاتی پروٹین موجود ہوتا ہے۔

• دالوں میں وٹامن بی کی ایک قسم فولیٹ بھی پایا جاتا ہے جو کہ خواتین کے لئے دورانِ حمل بہت مفید قرار دیا جاتا ہے۔

• دالوں کا سب سے بڑا فائدہ یہ ہے کہ ان میں گوشت کے مقابلے بہت کم چکنائی پائی جاتی ہے، جو کہ وزن کم کرنے کے لئے مددگار اور صحت کے لئے بے حد مفید ہے۔

• طبی ماہرین کہتے ہیں کہ ہفتے میں دو سے تین مختلف دالیں ضرور کھائیں اور سبزیوں کا بھی زیادہ استعمال کریں، دالوں کا استعمال آنتوں کی صحت اور کینسر سے بچاؤ کے لئے مفید ہے۔

• جبکہ گوشت کے استعمال سے متعدد بیماریوں اور کولیسٹرول لیول بڑھنے کا خدشہ ہوتا ہے۔

• دالیں کھانیں سے قبض کی شکایت دور ہوتی ہے، اس میں موجود فائبر کی وافر مقدار ذیابطیس کے مریضوں کے لئے بھی مفید ہے۔

• دالیں آئرن کی کمی کا بہترین علاج ہیں، وزن میں کمی کے لئے دالوں کا روزانہ استعمال بھرپور غذائیت کے ساتھ پروٹین کی وافر مقدار ہوتی ہے جو کمزوری کا احساس نہیں ہونے دیتا اور وزن بھی تیزی سے کم ہوتا ہے۔