سستی سبزی کے مہنگے فائدے ۔۔ چقندر کھانے اور اسکا جوس پینے سے کون سی بیماری سے بچا جاسکتا ہے

موسم سرما میں چقندر کا استعمال بہت عام ہے، سلاد سے لے کر اس کا جوس کافی پسند کیا جاتا ہے۔ چقندر کا شُمار اُن سبزیوں میں ہوتا ہے جسے ہم پودوں کی جڑوں سے حاصل کرتے ہیں، یہ اپنے مٹی کے ذائقے اور خوش رنگ کے لیے مشہور ہیں۔ چقندر اہم وٹامنز، فائبر، فولیٹ، میگنیز، پوٹاشیم، آئرن اور وٹامن سی سے بھرپور ہوتے ہیں اور متعدد جسمانی امراض سے تحفظ فراہم کرتے ہیں۔
آپ چقندر کھانے یا ان کا رس پینے سے یہ فوائد حاصل کر سکتے ہیں۔

خون کی کمی کیلیئے:

چقندر آئرن سے بھرپور ہوتے ہیں، جو خون کے سرخ خلیات کا ایک لازمی جز ہے۔ آئرن کے بغیر، خون کے سرخ خلیے جسم کے ارد گرد آکسیجن کی نقل و حمل نہیں کر سکتے۔ جن لوگوں میں آئرن کی سطح کم ہوتی ہے وہ بعض اوقات آئرن کی کمی انیمیا کہلانے والی حالت پیدا کر سکتے ہیں۔ خوراک چقندر کو شامل کرنا اس حالت کے خطرے کو کم کر سکتا ہے۔

جگر اور تلی کی بیماری:

چقندر کے جوس میں اینٹی آکسیڈنٹس، وٹامن اے، وٹامن بی-6 اور آئرن ہوتا ہے۔ یہ مرکبات جگر کو سوزش اور آکسیڈیٹیو تناؤ سے بچانے میں مدد کرتے ہیں جبکہ جسم سے زہریلے مادوں کو نکالنے کی صلاحیت کو بڑھاتے ہیں۔ اسکے علاوہ یہ تلی کی سوزش کو کم کرتا ہے۔ چقندر کے پانی کو شہد کے ساتھ پیا جائے تو بڑھتی ہوئی تلی کو کم کرتا ہے۔ شہد اور چقندر کا پانی نہ صرف یرقان میں مفید ہے بلکہ صفرا کی نالیوں میں پتھری یا دوسرے اسباب سے پیدا ہونے والی رکاوٹوں کا علاج بھی ہے۔

دماغ کی صحت:

دماغی اور علمی افعال قدرتی طور پر عمر کے ساتھ کم ہو جاتے ہیں، جو ڈیمنشیا جیسے نیوروڈیجینریٹو مرض کا خطرہ بڑھا سکتے ہیں۔ جبکہ چقندر کھانے سے اس میں موجود نائٹریٹ خون کی نالیوں کے پھیلاؤ کو فروغ دے کر دماغی افعال کو بہتر بنا سکتے ہیں اور اس طرح دماغ میں خون کے بہاؤ کو بڑھا سکتے ہیں۔

کینسر سے بچاؤ کیلیئے:

چقندر میں کئی مرکبات ہوتے ہیں جن میں کینسر سے لڑنے والی خصوصیات ہیں، جن میں بیٹین، فیرولک ایسڈ، روٹین، کیمپفیرول اور کیفیک ایسڈ شامل ہیں۔ اگرچہ مزید تحقیق کی ضرورت ہے، ٹیسٹ ٹیوب کے مطالعے سے پتہ چلتا ہے کہ چقندر کا عرق کینسر کے خلیوں کی تقسیم اور نشوونما کو سست کر سکتا ہے۔

امراض جلد کیلیئے:

جلد کے زخموں، بفہ اور خشک خارش میں چقندر کے قتلوں کو پانی اور سرکہ میں ابال کر لگانا مفید ہے۔ اس مرکب کو دور چار مرتبہ لگانے سے سر کی خشکی غائب ہو جاتی ہے۔ چقندر ایک مفید اور مقوی غذا اور خارش کی متعدد قسموں کے لئے مقامی استعمال کی قابل اعتماد دوا ہے۔