اگر آپ کو کولیسٹرول ہے تو جانیں کہ کس طرح سے آپ بڑھی ہوئی کولیسٹرول کو کم کر سکتے ہیں تاکہ آپ بھی گزار سکیں صحت بخش زندگی صرف چند احتیاط سے

کولیسٹرول ایک ایسا مسئلہ ہے جس کے لئے آپ کو اپنی ڈائٹ کا بہت زیادہ خیال رکھنا پڑتا ہے، جب آپ کولیسٹرول کے علاج کے لئے کسی ڈاکٹر کے پاس جائیں تو وہ آپ کو اپنی طرزِ زندگی بدلنے کا مشورہ دے گا، ڈاکٹرز کے مطابق آپ کی غذا ورزش کی عادت اور روز مرہ کے دیگر پہلوؤں کو تبدیل کر کے آپ ہائی کولیسٹرول سے نمٹ سکتے ہیں، آپ کو اس کے لئے تمباکو نوشی سگریٹ نوشی کی عادت کو بھی چھوڑنا ہوگا۔

ڈاکٹر آپ کو دوائیوں کے ساتھ ساتھ کھانے پینے میں چند احتیاط اور ڈائٹ بھی بتائیں گے، وہ احتیاط اور ڈائٹ کیا ہو سکتی ہے چلیں جان لیتے ہیں۔

کولیسٹرول کو ڈائٹ کے زریعے کم کریں

•اپنے کھانے کی مقدار کو محدود کریں جس میں کولیسٹرول اور چربی زیادہ ہو۔

•پروٹین والی غذاؤں کا انتخاب کریں جیسے چکن، مچھلی اور پھلیاں وغیرہ۔

•مختلف قسم کے اعلی ریشہ دار کھانوں جیسے پھل، سبزیاں، اور اناج کھائیں۔

•تلے ہوئے کھانوں کی بجائے پکے ہوئے، پسے ہوئے، ابلے ہوئے سِکے ہوئے اور بھنے ہوئے کھانے کا انتخاب کریں کیونکہ ان میں چکنائی کی مقدار کم ہوتی ہے۔

• فاسٹ فوڈ اور جنک فوڈ سے پرہیز کریں۔

وہ کھانے جن میں ہائی کولیسٹرول ہوتا ہے

•سرخ گوشت، اعضاء کا گوشت، انڈے کی زردی، اور اعلی چربی والی دودھ کی مصنوعات سے پرہیز کریں ان میں کولیسٹرول کی مقدار بہت زیادہ ہوتی ہے۔

•کوکو، مکھن اور ناریل کے تیل سے تیار کردہ پروسیسڈ فوڈز سے پرہیز کریں۔

•تلے ہوئے کھانوں جیسے پکوڑوں چپس اور دیگر تلی ہوئی چیزوں کا استعمال نہ کریں۔

•میٹھی اور تیل والی چیزیں نہ کھائیں جیسے بسکٹ کا مفنز وغیرہ۔

یاد رہے کہ مچھلی اور دیگر کھانے پینے کی غذائیں جن میں اومیگا 3 اور فیٹی ایسڈ موجود ہوتا ہے ان سے ہائی کولیسٹرول کی سطح کو کم کرنے میں مدد مل سکتی ہے اس لئے ایسی غذاؤں کا زیادہ سے زیادہ استعمال کریں۔

By sadia    |    In Health and Fitness   |    0 Comments    |    2300 Views    |    13 May 2021

Comments/Ask Question

Read Blog about اگر آپ کو کولیسٹرول ہے تو جانیں کہ کس طرح سے آپ بڑھی ہوئی کولیسٹرول کو کم کر سکتے ہیں تاکہ آپ بھی گزار سکیں صحت بخش زندگی صرف چند احتیاط سے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ کو کولیسٹرول ہے تو جانیں کہ کس طرح سے آپ بڑھی ہوئی کولیسٹرول کو کم کر سکتے ہیں تاکہ آپ بھی گزار سکیں صحت بخش زندگی صرف چند احتیاط سے) and how to utilize other natural ingredients to cure diseases, easy recipes, and other information related to food from KFoods.