چھوٹی سی چیری کے بڑے بڑے کام ۔۔ جانیئے چیری کے 6 ایسے فوائد جو جان کر آپ بھی آج ہی سے اس کا استعمال شروع کر دیں گے

چیری دِکھنے میں جتنی چھوٹی اتنے ہی فوائد سے بھرپور ہوتی ہے، ماہرین غذا و صحت کے مطابق چیری کھانے سے آپ کو بےشمار فوائد حاصل ہو سکتے ہیں یہ خون کی کمی دور کرنے کے علاوہ اور کون کون سے حیرت انگیز فوائد رکھتی ہے آیئے جان لیتے ہیں۔

• چیری کے حیرت انگیز فوائد

• چیری میں موجود غذائیت کا خزانہ

ایک کپ یا 20 چیری میں 100 کیلوریز ہوتی ہیں جو وٹامن سی کی روزمرہ ضروریات کی 15 فیصد مقدار پوری کرنے کے لیے کافی ہوتی ہے، موتی جیسی نظر آنے والی چیری زنک، فولاد، پوٹاشیم، مینگنیز اور فراہم کرتی ہے اس کے علاوہ اس میںچیری میں شامل ”بورون“(BORON ) نامی مادہ ہڈیوں کو مضبوط کرتا ہے۔

• اینٹی آکسیڈنٹس سے بھرپور

اینٹی آکسیڈنٹس ہمارے جسم کو مختلف بیماریوں سے دور رکھنے میں اہم کردار ادا کرتے ہیں چیری اینٹی آکسیڈنٹس سے بھرپور ہوتی ہے جو جسم میں اس بگاڑ کو روکتے ہیں جو کینسر، الزائیمر اور دل کے امراض کی وجہ بنتے ہیں۔

• شوگر سے بچاؤ کے لئے مفید

چیری کا گلاسیمک انڈیکس دیگر پھلوں میں سب سے کم ہے اسے کھانے سے ئہ ہی شوگر بڑھتی ہے اور نہ ہی انسولین کے مسائل پیدا ہوتے ہیں اور یہی وجہ ہے کہ چیری شوگر کے مریضوں کے لئے مفید ہے۔

• پُرسکون نیند فراہم کرے

نیند ہماری زندگی میں غذا سے بھی زیادہ ضروری ہے، کیونکہ یہ جسم کو چارج کرتی ہے چیری میں ایک اہم ہارمون میلاٹونِ پایا جاتا ہے، یہ ہارمون ہمارا سونا جاگنا کنٹرول کرتا ہے، تحقیق میں یہ سامنے آئی کہ چیری میں یہ غذائی جُز پایا جاتا ہے جو جسمانی اور دماغی افعال بہتر اور منظم بناتا ہے ساتھ ہی نیند کی کمی کو پورا کرتا ہے۔

• جوڑوں اور ہڈیوں کو مضبوط بنائے

چیری کا استعمال جوڑوں اور ہڈیوں کو مضبوط بناتا ہے اور جوڑوں سمیت ہڈیوں کے درد کو دور کرتا ہے اور چیری گھٹیا کے مرض کو دور کرنے کے لئے بھی بہترین ہے۔

• کولیسٹرول گھٹائے

کولیسٹرول ہمارے جسم کو جام کرتا ہے چیری کا جوس برے کولیسٹرول یعنی ’ایل ڈی ایل‘ کولیسٹرول کو ختم کرتا ہے یاد رکھیئے کہ اگر کولیسٹرول میں ایک فیصد کمی ہوجائے تو اس سے دل کے عارضے کا خدشہ دو فیصد تک کم ہوجاتا ہے تو چیری کا استعمال کریں اور کولیسٹرول کا خاتمہ ممکن بنائیں۔

• شریانوں نسوں کے لئے مفید

دوسرے بہت سے پھلوں کی طرح چیری میں وٹامن سی بھی ہوتا ہے جو ہماری جِلد کے لیے بہت فائدہ مند ہے اور انفیکشن نہیں ہونے دیتا، یہ شریانوں اور نسوں کو مضبوط کرتی ہے، اس کے علاوہ اس میں زخموں کو مندمل کرنے اور دانتوں کو مضبوط بنانے کی صلاحیت بھی ہوتی ہے۔
امریکا میں ہونے والی ایک تحقیق سے معلوم ہوا ہے کہ دوڑنے اور دیگر جسمانی ورزشوں کے بعد چیری کا شیک پینا انتہائی صحت بخش ہے اور یہ ورزش کے بعد جسم میں ہونے والے درد کو دور کرتی ہے۔