زبان کے نیچے گولی رکھنی پڑی اور.. بیٹے کی موت کا سین نہیں دیکھ سکیں! نبیل ظفر کی نجی زندگی سے متعلق چند باتیں

"دھواں ڈرامے میں میری موت کا سین دیکھ کر ماں کی طبعیت بہت زیادہ خراب ہوگئی تھی. ان کی زبان کے نیچے باقاعدہ گولی رکھنی پڑی"

یہ کہنا ہے سینیئر اداکار نبیل ظفر کا جنھوں نے الف ٹی وی میں فرح اقرار کو انٹرویو دیتے ہوئے بتایا.

نبیل ظفر کا کہنا تھا کہ شوبز میں ان کی آمد اتفاقیہ ہے اور نہ تو انھیں اداکاری کا شوق تھا نہ ہی خاندان میں کوئی اس فیلڈ میں تھا.

نبیل ظفر کہتے ہیں کہ اتفاقیہ آڈیشن دینے کے بعد دو تین ڈرامے کیے جس کے بعد کوئٹہ میں دھواں ڈرامے کی آفر آئی. والد نے کہا ہم سفید پوش لوگ ہیں میں صرف پڑھائی کے لیے پیسے دے سکتا ہوں اور کسی چیز کے لیے میرے پاس پیسے نہیں ہیں. یہی وہ وقت تھا جب سوچ لیا تھا کہ آئندہ گھر والوں سے مدد نہیں لینی. جو کرنا ہے خود کرنا ہے.

نبیل ظفر نے گفتگو جاری رکھتے ہوئے مزید بتایا کہ میرے والد کا کچھ عرصے پہلے ہی اچانک انتقال ہوا تھا جس کی وجہ سے بھائی کو منع کردیا تھا دھواں میں میری موت کا سین والدہ کو نہ دکھایا جائے لیکن انھوں نے دیکھ لیا اور پھر طبعیت خراب ہوگئی. بعد میں ان کے پاس گیا اور کہا کہ ماں وہ روح افزا کی بوتل تھی جس کے بعد وہ ٹھیک ہوگئیں.