انمول بلوچ نے شادی کرلی؟ ندا یاسر کے متنازعہ بیان نے سوشل میڈیا پر ہلچل مچا دی

Nida Yasir Statement On Anmol Baloch Marriage Gone Viral

پاکستان کی معروف میزبان ندا یاسر نے اپنے حالیہ شو میں ایک دلچسپ موقع پر شادی شدہ فنکار جوڑوں کی فہرست میں ایک نیا نام شامل کر کے سوشل میڈیا پر بحث چھیڑ دی۔

پاکستانی اداکارہ سارہ خان اور فلک شبیر حال ہی میں عید اسپیشل شو میں نظر آئے، جہاں دونوں نے نئے شادی شدہ جوڑوں کیلیئے زندگی کی نئی شروعات کے حوالے سے نیک تمناؤں کا اظہار کیا۔

فلک شبیر نے گفتگو کرتے ہوئے چند نئے شادی شدہ جوڑوں کے نام لیے، جن میں کبریٰ اور گوہر، ماورا اور امیر شامل تھے۔ تاہم، ندا یاسر نے اس موقع پر فلک کی بات کاٹتے ہوئے انمول بلوچ کا بھی ذکر کر دیا، جس سے یہ سوال اٹھا کہ کیا انمول بلوچ نے خاموشی سے شادی کر لی ہے یا یہ کسی اور بات کا اشارہ تھا۔

فلک شبیر نے اس پر ردعمل دیتے ہوئے کہا، "جی، آپ سب کو شادی کی خوشیاں مبارک ہوں۔"

ندا یاسر کی بات پر اس وقت لوگوں کے ذہنوں میں یہ سوالات ابھرنے لگے کہ آیا انمول بلوچ نے چپکے سے شادی کی ہے یا ان کے بارے میں کوئی اور خبر آ رہی ہے۔

یاد رہے کہ انمول بلوچ کے حوالے سے کئی ماہ سے سوشل میڈیا پر یہ افواہیں گردش کر رہی ہیں کہ وہ جلد ہی رشتہ ازدواج میں بندھنے والی ہیں۔