بھیگے ہوئے اخروٹ کھانے سے کیا ہوتا ہے؟ جانیئے صحت سے جڑی حیرت انگیز معلومات

بیجوں اور گری دار میوے کا استعمال صحت مند زندگی کے لیے بےحد ضروری ہے یہ غذائیت فراہم کرتے ہیں اور جسم کو توانائی بخشتے ہیں، ایسے ہی غذائیت سے بھرپور اور توانائی بخش گری دار میوے میں سے ایک اخروٹ ہے، اخروٹ انسانی دماغ سے مشابہت رکھتا ہے اور صحت بخش غذائی اجزاء سے بھرپور ہوتا ہے۔
مطالعات کے مطابق سادے اخروٹ سے زیادہ بھیگے ہوئے اخروٹ کھانے سے حیرت انگیز فوائد حاصل ہوتے ہیں، ماہرین کا کہنا ہے کہ بھیگے ہوئے اخروٹ ذیابیطس کے علاج میں مدد کرتے ہیں۔
جی ہاں! ماہرین صحت کے مطابق گری دار میوے اور بیجوں میں ایسے انزائمز ہوتے ہیں جو انہیں کچے ہضم کرنا مشکل بنا دیتے ہیں لیکن اگر بھگو کر استعمال کیا جائے تو انہیں بھگونے سے گری دار میوے اور بیج آسانی سے ہضم ہوجاتے ہیں جبکہ ان کو پانی میں بھگونے سے ان کی غذائیت بھی ختم نہیں ہوتی۔
پانی میں بھیگے ہوئے اخروٹ کھانے سے کیا ہوتا ہے اس کے صحت پر کیا کیا فوائد ہیں آیئے اس پر ایک نظر ڈالتے ہیں۔ پانی میں بھیگے ہوئے اخروٹ کھانے کے حیرت انگیز فوائد

• ذیابطیس میں مفید

ماہرین کے مطابق بھیگے ہوئے اخروٹ ٹائپ ٹو ذیابیطس کے علاج میں مددگار ثابت ہوتے ہیں، اخروٹ فائبر سے بھرپور ہوتے ہیں اور جسم میں بلڈ شوگر کی سطح کو کم کرنے میں مدد دیتے ہیں، بھیگے ہوئے اخروٹ میں صرف 15 کی کم گلیسیمک ہوتی ہے جو انہیں ذیابیطس کے مریضوں کے لیے ایک صحت مند غذا بناتی ہے، اس کے ساتھ اخروٹ میں انسولین کے خلاف مزاحمت اور بلڈ شوگر کی سطح کو کنٹرول کرنے کی صلاحیت بھی موجود ہوتی ہے۔ • اومیگا تھری کی وافر مقدار

اخروٹ اومیگا تھری فیٹی ایسڈ سے بھرپور ہوتے ہیں، یہ کولیسٹرول کی سطح کو کم کرنے میں مدد کرتا ہے اور دل کو صحت مند رکھتا ہے۔

• جلد اور بالوں کے لئے مفید

اخروٹ قدرتی تیل سے بھی بھرپور ہوتے ہیں اخروٹ میں موجود یہ تیل جلد اور بالوں کے لیے بہترین ہوتے ہیں، اخروٹ جسم میں سوزش کو کم کرنے میں مدد کرتا ہے اور کینسر کا خطرہ بھی کم کرتا ہے۔

• طریقہ استعمال

رات کو 6 سے 7 عدد اخروٹ چھیل کر انہیں ایک کپ پانی میں بھگو کر ڈھک کر رکھ دیں، اب چاہیں تو صبح سویرے یا پھر دوپہر کے کھانے میں اخروٹ کھائیں اس کا پانی بھی پی لیں کیونکہ یہ غذائیت سے بھرپور ہوتا ہے اور اگر دہی بھی اس کے ساتھ دوپہر میں کھایا جائے تو اس سے بھرپور فوائد حاصل ہوں گے۔

By Sadia    |    In Health and Fitness   |    0 Comments    |    726 Views    |    10 Nov 2021

Related Articles

Comments/Ask Question

Read Blog about بھیگے ہوئے اخروٹ کھانے سے کیا ہوتا ہے؟ جانیئے صحت سے جڑی حیرت انگیز معلومات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بھیگے ہوئے اخروٹ کھانے سے کیا ہوتا ہے؟ جانیئے صحت سے جڑی حیرت انگیز معلومات) and how to utilize other natural ingredients to cure diseases, easy recipes, and other information related to food from KFoods.