جاپانی عورتیں خوبصورت نظر آنے کے لئے کون سا ماسک لگاتی ہیں؟ صدیوں سے آزمودہ ماسک بنانے کا طریقہ

جاپانی خواتین کی جلد کافی حسین ہوتی ہے. ان کے چہرے پر دانے یا داغ دھبے نہیں ہوتے البتہ یہ سب یوں ہی نہیں ہے بلکہ اس کے لئے انھیں خوراک سے لے کر اپنی ہر چیز کا خیال رکھنا پڑتا ہے.

سب سے پہلی بات یہ ہے کہ جاپانی خواتین کیمیکل سے پاک قدرتی اشیاء کا استعمال کرنا پسند کرتی ہیں اس کے علاوہ آج کے آرٹیکل میں ہم ان کی چند ایسی عادات کے بارے میں بتائیں گے جنھیں اپنا کر آپ بھی شیشے جیسی صاف شفاف جلد حاصل کرسکتی ہیں.

جاپانی خواتین جلد کو روزانہ کلینزنگ ملک یا قدرتی دودھ سے 30 سے 60 سیکنڈ تک صاف کرتی ہیں.

کلینزنگ کے بعد دوسرا مرحلہ ٹوننگ اور سیرم لگانے کا ہوتا ہے. جس کے بعد معیاری موئسچرائزر سے جلد کو موئسچرائز کیا جاتا ہے تاکہ جلد خشکی کا شکار نہ ہو. خشک جلد سے ہی چہرے پر جھریاں نمودار ہوتی ہیں.

اس کے بعد سن بلاک کے زریعے جلد کو تحفظ دینے کا مرحلہ آتا ہے. سن بلاک صرف باہر نکلتے ہوئے نہیں بلکہ گھر پر رہنے والی خواتین کے لیے بھی لازمی ہے.

لیموں کا جوس، آلو کا جوس، چاول کا آٹا اور بادام کا تیل ملا کر پیسٹ تیار کریں اور چہرے پر لگائیں. آدھے گھنٹے میں سادے پانی سے چہرہ دھو لیں. یہ ماسک جلد سے تمام میل کچیل صاف کرنے کے علاوہ جلد کی مرمت کرے گا اور گلاس شائن بھی دے گا.