یہ تو ہر دوسرے دن دلہن بن جاتی ہے ۔۔ اقراء کنول کی شادی میں پیسوں کی بارش، سوشل میڈیا صارفین کی وائرل ویڈیو پر شدید تنقید

People Criticized Iqra Kanwal Mehndi Viral Video

اقرا کنول اپنے یوٹیوب چینل 'سسٹرولوجی' کے ذریعے مشہور ہوئیں اور ان کی بہنوں حرا، فاطمہ، زینب اور رابعہ نے بھی سسٹرولوجی کے ذریعے بہت شہرت حاصل کی۔ ان دنوں سب سے بڑی بہن اقرا کی شادی ہو رہی ہے جس کا چند ماہ قبل اریب پرویز سے نکاح ہوا تھا۔

گزشتہ روز اقرا کنول کی مہندی کی تقریب ہوئی جس کی تصویریں اور ویڈیوز سوشل میڈیا پر پوسٹ ہوتے ساتھ وائرل ہوگئیں، جس میں دیکھا جا سکتا ہے کہ اقرا نہایت ہی خوبصورت رنگ کے ہرے شرارے میں بے حد حسین لگ رہی تھی۔

لیکن ساتھ ہی ایک اور ویڈیو وائرل ہوئی جس میں کچھ مرد حضرات دلہا دلہن پر بے دریغ پیسے اڑا رہے تھے، جسے دیکھ کر سوشل میڈیا صارفین غصے میں آگئے اور اس عمل پر شدید ردعمل ظاہر کیا۔

ایک صارف نے لکھا، "ان پیسوں پہ مسجد اور ہمارے قائد اور تاریخی مقامات بنے ہوتے ہیں اور ان پر لوگ پاوں رکھتے ہوئے ناچ رہے ہیں۔"

دوسرے نے لکھا، " غریب ملک کی امیر اقراء۔"

تیسرے نے لکھا، "یہ تو ہر دوسرے دن دلہن بن کر بیٹھ جاتی ہے، ان لوگوں کے پاس کوئی اور کام نہیں ہے کیا؟"

اسی طرح نے بہت سارے کمنٹس سوشل میڈیا صارفین کی جانب سے ان کی ویڈیو پر آرہے ہیں۔