وزن بھی کم کرئے اور دل کو صحت مند بھی رکھے۔۔ سستے باجرے کے وہ کون سے مہنگے فائدے ہیں جو آپ کی دوائیوں کا خرچہ بچا سکتے ہیں؟

اللہ تعالیٰ کی بے پناہ نعمتوں میں سے ایک اناج ہے، جو کہ قدرتی خرانوں اور غذائیت سے مالا مال ہیں اور ہر اناج میں اپنی کچھ مخصوص خصوصیات ہیں۔ لیکن آج ہم ان طاقتور غذائوں میں سے ایک کا ذکر کررہے ہیں جو بظاہر معمولی نوعیت کی ہے لیکن حقیقت میں یہ انتہائی طاقتور غذا ہے۔

باجرہ

باجرہ ایک ایسا اناج ہے جو بدن کو بھرپور غذائیت دینے کے ساتھ ساتھ نزلہ زکام بھی دور کرتا ہے۔ تحقیق کے مطابق اس میں جسم کی چربی کم کرنے اور اعصاب کو طاقت پہنچانے کی خصوصیت موجود ہے۔ عام طور پر اسے غریبوں کا اناج کہا جاتا ہے۔

غریب علاقوں کا مزدور طبقہ باجرے کی روٹی کھا کر 15سے 16 گھنٹے تک محنت کرتا ہے اور تھکن محسوس نہیں کرتا۔ باجرے کو مستقل استعمال میں رکھنے سے بدن ہلکا پھلکا رہتا ہے۔

کیا آپ نے کبھی صحت کے حوالے سے باجرہ کے فوائد کے بارے میں سنا ہے؟ اگر نہیں سنا ہے، تو آئیے ہم آپ کو اس کے بارے میں معلومات فراہم کرتے ہیں۔

وزن کم کرنے میں مددگار

جوار باجرہ میں فائبر کی مقدار زیادہ ہوتی ہے، جو وزن کم کرنے میں مدد کرتا ہے۔ جو لوگ وزن کم کرنا چاہتے ہیں انہیں مشورہ دیا جاتا ہے کہ وہ اپنے کھانے میں کم از کم ایک ٹائم باجرے کی روٹی شامل کریں۔

دل کی صحت کو اچھا کرتا ہے

اگر آپ اپنے دل کی بہتر دیکھ بھال کرنا چاہتے ہیں، تو باجرے کا باقاعدگی سے استعمال کریں کیونکہ باجرہ میگنیشیم سے بھرپور ہوتا ہے، جو بلڈ پریشر کو کم کرنے کے ساتھ ساتھ ہارٹ اٹیک یا فالج کا خطرے کو بھی کم کرتا ہے، خاص طور پر ایتھروسکلروسیس کی صورت حال میں اہم کردار ادا کرتا ہے

ذیابیطس سے بچاؤ

آج کل ذیابیطس ایک مقبول بیماری ہے جو پوری دنیا میں لاکھوں لوگوں میں پائی جاتی ہے۔ باجرہ کے اہم فوائد میں سے ایک ذیابیطس ٹائپ ٹو میں مبتلا ہونے کے امکانات کو کم کرنا شامل ہے۔ یہ میگنیشیم کی بڑی مقدار کی بدولت ہوسکتا ہے۔جوار میں کاربوہائیڈریٹ زیادہ ہوتے ہیں، جو اسے کم گلیسیمک انڈیکس والی خوراک بناتے ہیں۔

اس کا مطلب ہے کہ باجرہ کو ہضم ہونے میں گندم کے آٹے سے زیادہ وقت لگتا ہے۔ کم گلیسمیک والی غذائیں کھانے کے بعد آپ بلڈ شوگر کو بڑھنے سے روکنے میں مدد کر سکتے ہیں، جو ذیابیطس کے شکار لوگوں کو اپنے بلڈ شوگر کی سطح کو زیادہ آسانی سے کنٹرول کرنے میں مدد دیتی ہے

ہائی بلڈ پریشر کو کم کرئے

باجرہ میں میگنیشیم ہوتا ہے۔ اس سے شریان کی دیوار کے اندر کی لکیر والے پٹھوں کو آرام کرنے میں مدد ملتی ہے، جس سے بلڈ پریشر کو کم کرنے میں مدد ملتی ہے۔