بریسٹ کینسر کا سبب بننے والا ہارمون کون سا ہے اور اس سے خواتین کی صحت پر کیا اثر پڑتا ہے؟ جانیں نئی تحقیق میں بتائی گئی کینسر سے متعلق تمام اہم باتیں اور کئی قسم کے کینسر کا علاج

کینسر ایک ایسا مرض ہے جس کا علاج کروانا ہر شخص کے لئے ممکن نہیں، جو اس مرض سے لڑنے کی استطاعت رکھتے ہیں وہ اس کا ہر ممکن علاج کرتے ہیں، لیکن اب بریسٹ کینسر کے علاج کے لئے کسی بھی طبقے کے افراد کو زیادہ مشکالات نہیں ہوں گی۔

کیونکہ ورجینیا کامن ویلتھ یونیورسٹی کے میسی کینسر سینٹر میں ایک تحقیق کی گئی ہے جس میں یہ بات سامنے آ چکی ہے کہ خواتین میں بریسٹ کینسر کی وجہ بنے والا ہاومون کون سا ہے اور اس کے خواتین کی صحت پر کیا اثرات پڑتے ہیں۔

تحقیق میں یہ بات واضح کی گئی ہے کہ چھاتی میں کینسر کی افزائش کا سبب بننے والا ایک ہارمون پروکلیٹین ہے جو کہ بریسٹ گروتھ کا سبب بنتا ہے اور یہ حمل کے دوران ماں کے دودھ میں اضافے کی وجہ بھی ہوتا ہے۔

یہ ہارمون خواتین میں بریسٹ کینسر کی سب سے بڑی وجہ ہے، اس تحقیق کے بعد کینسر سے نجات کے لئے یہ ہارمون ٹارگیٹڈ دوا کی تیاری میں مفید ثابت ہوگا اور پھر اس دوا سے ایک نہیں بلکہ کئی قسم کے کینسر کا علاج کیا جا سکے گا۔

پروکلیٹین نامی یہ ہارمون خواتین میں بریسٹ کینسر کا براہِ راست سبب بنتا ہے، اس ہارمون کے سیلز کی سطح پر پروٹین موجود ہوتا ہے جسے رسیپٹرز کہا جاتا ہے یہ پروٹین بائیولوجیکل پیغامات وصول کرنے اور بھیجنے کے ساتھ سیل کے افعال کو بھی ریگولیٹ کرتا ہے۔

اس ہارمون کا دریافت کینسر کے علاج کے لئے ایک نئی پیش رفت ہے جس سے دواؤں کے بننے کا عمل تیز ہوگا اور بریسٹ کینسر کا علاج ممکن ہو سکے گا اور کینسر کے مرض میں مبتلا مریض شاید کتلیف کیموتھراپی جیسے مراحل سے گزرنے سے بچ سکیں گے۔

یاد رہے کہ بریسٹ کینسر، وی سی یو، میسی کینسر سینٹر کے تحقیق کار چارلس کلیوینجر(ایم ڈی، پی ایچ ڈی) اور انکی لیب نے یہ ہارمون دریافت کیا ہے اور ان کی جانب سے کی گئی اس تحقیق کو جرنل برائے نیچر پارٹنر جرنلز میں شائع بھی کیا گیا ہے۔