بیر(غریبوں کا سیب) کھا کر آپ کون سے ایسے حیرت انگیز فوائد حاصل کر سکتے ہیں جواس سے پہلے آپ نہیں جانتے ہوں گے؟

بیرجسے غریبوں کا سیب بھی کہاجاتا ہے۔ کیونکہ یہ قیمت میں انتہائی کم مگر افادیت میں بہت آگے ہے۔ برصغیر پاک وہند میں اگنے والے بیری کی دو قسمیں ہیں۔ ایک جنگلی بیری جو عموماً جھاڑی کی شکل کی ہوتی ہے اور دوسری عام یعنی گھریلو پیڑ۔ قدرت نے اس خوبصورت پیڑ کے پھل ، چھال اور پتوں میں غذائی اورادویا تی خواص رکھے ہیں۔ اس کا پھل یعنی بیروٹا من بی کا خزانہ ہے۔ اس کے علاوہ وٹامن اے اور ڈی بھی اس میں شامل ہیں۔ معدنیات میں فولا د، کیلشیم ، پوٹاشیم اور فلورین اس میں شامل ہیں۔ طب یونانی کے مطابق یہ جسمانی صحت کے لیے موزوں اور جسم میں گوشت بنانے کی صلا حیت سے مالا مال ہے۔ یہاں ہم آپ کو بیر کے کچھ خاص فوائد سے آگاہ کریں گے۔

پھوڑے پھنسیوں کا علاج

بیری کی ٹہنیوں اور پتوں کا لیپ پھوڑوں ، پھنسیو ں وغیرہ پر لگانے سے پیپ جلد پک کر خارج ہو جا تی ہے۔ پلٹس کو ایک چھوٹا چمچہ لیموں کے رس میں ملا کر بچھو کے ڈنگ پر لگانے سے تسکین ملتی ہے۔ زخم اورناسور دھونے کے لیے بھی بیری کے پتوں کا جوشاندہ بہترین ہے۔

بڑھے ہوئے پیٹ کو کم کرے

بیری کی راکھ یا گوند آپ کسی پنساری سے بھی لے سکتے ہیں اوردرخت سے تازہ حالت میں بھی حاصل کر سکتے ہیں۔ ڈیڑھ ماشہ سے چھ ماشے تک راکھ کی مقدارعرق مکوہ اورعرق با دیاں پانچ پانچ تولے کے سا تھ صبح چند دن تک استعمال کر نے سے بدن کی چر بی پگھلنے لگتی ہے اور بڑھا ہوا پیٹ کم ہو نے لگتا ہے۔

اسہال اور پیچش میں بھی مفید

بیری کی چھال اسہال ، پیچش اور قولنج کے علاج میں نہایت موثر ہے۔ اندرونی چھال کا جوشاندہ قبض کی حالت میں جلا ب کے طورپر دیا جاتاہے۔

بالوں کی صحت بہتر بنائے

سر پر بیری کے پتوں کا لیپ لگانا بالوں کو صحتمند اور خوشنما بناتا ہے۔ اس کے استعمال سے سر کی جلد کے امراض دور رہتے ہیں اور بال سیا ہ ہو تے ہیں۔

ذہنی امراض میں مفید

ایسے ذہنی مریض جن کا دما غ بہت سست ہو، ان کے علا ج کے لیے مٹھی بھر خشک بیرآدھ لیٹرپانی میں اس وقت تک ابالے جا ئیں جب پانی آدھا رہ جا ئے۔ پھر اس آمیزے میں شہد یا چینی ملا کر روزانہ رات سونے سے قبل مریض کو کھلایا جائے۔ یہ علاج دما غ کی کارکردگی بڑھا کرمریض کو فعال بنا دے گا۔

منہ کے امراض میں مفید

بیری کے تازہ پتوں کا جوشاندہ نمک ملا کر غراروں کے لیے استعمال کرنا، گلے کی خراش ، منہ کی سوزش، مسوڑھو ں سے خون بہنا اور زبان پھٹ جا نے کے امراض میں شافی ہے۔

آنکھوں کے امراض

بیر خون صاف کرنے کے ساتھ ساتھ آنکھوں کی بینائی بڑھا تا ہے۔ دُکھتی آنکھو ں کے لیے بیری کے پتے بہت مفید ہیں۔ پتوں کا جو شاندہ آنکھوں میں ڈالنے والی دوا کی طرح استعمال کرنا صحت دیتا ہے۔

نیند لانے میں مددگار

بیر کو روایتی چینی ادویات میں نیند کے مسائل جیسے بے خوابی کے علاج کے لیے استعمال کیا جاتا ہے۔ یہ پھل اور اس کا بیج فلیونوئڈز، صابونین اور پولی سیکرائیڈ سے بھرپور ہوتے ہیں، صابونین وہ جز ہے جو قدرتی نیند کے لیے مدد دیتا ہے، وہ پورے اعصابی نظام کو سکون پہنچا کر جلد سونے میں مدد دیتا ہے۔

By Afshan    |    In Health and Fitness   |    0 Comments    |    1183 Views    |    28 Feb 2022

Related Articles

Comments/Ask Question

Read Blog about بیر(غریبوں کا سیب) کھا کر آپ کون سے ایسے حیرت انگیز فوائد حاصل کر سکتے ہیں جواس سے پہلے آپ نہیں جانتے ہوں گے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بیر(غریبوں کا سیب) کھا کر آپ کون سے ایسے حیرت انگیز فوائد حاصل کر سکتے ہیں جواس سے پہلے آپ نہیں جانتے ہوں گے؟ ) and how to utilize other natural ingredients to cure diseases, easy recipes, and other information related to food from KFoods.