اس سے بچے کے دماغ کو بھی نقصان پہنچ سکتا ہے۔۔ ماؤں کی چند عادتیں جو چھوٹے بچوں کو نقصان بھی پہنچا سکتی ہیں

بچوں کی پیدائش کے بعد ہی گھر میں بڑی بوڑھیاں نئی نئی ماں بننے والی عورت کو پرانے طور طریقے بتانے لگتی ہیں جو کبھی تو فائدہ مند بھی ہوتے ہیں لیکن اکثر نقصان دہ بھی ثابت ہوسکتے ہیں۔ اس آرٹیکل میں ہم بچوں پر آزمائے جانے والے کچھ ایسے طریقوں کے بارے میں بتائیں گے جو طبی ماہرین کے مطابق درست نہیں اور بچوں کی صحت پر ان کا برا اثڑ پڑتا ہے۔

پیدائشی طور پر اگر بچے کی ناک تھوڑی موٹی ہے تو اس کو پتلا کرنے کے لئے بچہ کی ناک کو دبانے سے گریز کریں۔ اکثر خواتین تیل لگا کر بچوں کی ناک دباتی ہیں جس سے نرم ہڈی کو نقصان بھی پہنچ سکتا ہے۔

نوزائیدہ بچوں کے جسم سے بال اتارنے کے لئے عورتیں اور بڑی بوڑھیاں آٹے کی لوئی بنا کر بچے کے جسم پر پھیرتی ہیں جس سے اسے تکلیف ہوتی ہے۔ ان طریقوں کی کوئی ضرورت نہیں کیونکہ کچھ دن میں بال خود ہی اتر جاتے ہیں۔

سرمہ اور کاجل میں لیڈ اور سیسہ موجود ہوتا ہے جسے نوزائیدہ بچوں کی آنکھوں یا چہرے پر لگانے سے وہ دماغ تک کو نقصان پہنچا سکتا ہے۔

بچے کی ناف پر ہلدی یا تیل کے بجائے ایمبلیکا جیل یا پایوڈین کا استعمال کریں۔

پسینے یا ڈائپر کی بو سے بچنے کے لئے پاؤڈر لگانا بچے میں سانس کے مسائل اور ریشز وغیرہ کا سبب بن سکتا ہے۔ اس لئے بچوں کو مصنوعی طریقوں کے بجائے صاف ستھرا رکھنا کافی ہے۔