میرا بچہ کھانے کو دیکھتا تک نہیں.... اگر آپ کا بچہ بھی کھانا کھانے میں تنگ کرتا ہے تو یہ 7 طریقے اپنائیں اور اس پریشانی سے نجات پائیں

اکثر ایسا ہوتا ہے کہ بچہ جو چیز شوق سے کھاتا ہے اچانک اسے کھانا چھوڑ دیتا ہے۔ والدین جو بچے کی صحت اور نشونما کے لئے فکر مند رہتے ہیں بچوں کی اس بدلتی ہوئی روش سے پریشان ہوجاتے ہیں۔ بچوں کا اچانک اپنی پسندیدہ غذا چھوڑنے کی ایک بڑی وجہ وقت کے ساتھ ساتھ ان کی حسِ ذائقہ میں تبدیلی آنا ہے۔ نیچے ہم آپ کو بتائیں گے کچھ ایسے سادہ طریقے جن سے آپ بچے کو اس کی من پسند غذا ،صحت بخش اجزاء کے ساتھ دے سکیں گی۔

1- ذائقے میں بچے کی پسند کو ہی مدِنظر رکھیں

آپ بچے کو کتنی بھی صحت بخش غذا کھلانا چاہیں وہ اس وقت تک نہیں کھائیں گے جب تک وہ ان کو مزیدار نہیں لگے گا اس لئے الگ سے صحت بخش کھانا دینے کے بجائے بچوں کے پسند کے کھانوں میں سبزیاں اور گوشت کے ٹکڑے ملائیں تاکہ وہ شوق سے کھاسکیں۔

2- بچوں کو ان کا کھانا خود پسند کرنے دیں

اگر آپ کا بچہ کوئی سبزی یا پھل خود اٹھاتا ہے تو اسے اٹھانے دیں۔ بچے ان چیزوں کو زیادہ شوق سے کھانا پسند کرتے ہیں جو انھوں نے اپنی مرضی سے اٹھائی ہو۔

3- روز ایک طرح کا کھانا نہیں پکائیں

بچوں کو روز مختلف کھانے پکا کر دیں کیونکہ اگر انھیں روز روز ایک ہی چیز دی جائے گی تو بھلے وہ خوراک بچوں کو کتنی ہی کیوں نہ پسند ہو وہ اسے چڑنے لگیں گے۔ کھانے کے معاملے میں یکسانیت سے بچیں۔

4- بچوں کو خوش شکل کھانا دیں

سادہ کھانا یا پھل، سبزی دینے کے بجائے کوشش کریں کہ ان میں کوئی خوبصورتی یا انوکھا پن پیدا ہو جیسے سینڈوچ بناتے ہوئے کسی ساس یا کیچپ سے اسمائلی فیس بنادیں۔ خوش شکل ، رنگ برنگا کھانا بچوں کو کھانے کی جانب متوجہ کرنے کا ایک کامیاب طریقہ ہے۔

5- کھانا پکانے کے عمل میں بچوں کو ساتھ ملائیں

کھانا پکاتے ہوئے بچوں کو اپنے ساتھ شامل کرنا ایک بہترین خیال ہے۔ پکانے کے دوران بچوں سے پوچھتی جائیں کہ وہ کون کون سی سبزی اس ڈش میں شامل کرنا چاہتے ہیں۔ بچے نہ صرف آپ کی بات کا خوشی خوشی جواب دیں گے بلکہ بعد میں وہ اپنی مرضی کی چیز شوق سے کھانا بھی چاہیں گے۔

6- بچوں کے ساتھ کھانا کھائیں

صرف بچوں کو اکیلے کھانے کو نہ کہیں بلکہ خود بھی ان کے ساتھ شریک ہوں اس سے ایک تو آپ کو پتہ رہے گا کہ بچہ صحیح طرح کھا رہا ہے یا نہیں اور دوسرا اس طرح آپ بچے کو باتوں میں مشغول کرکے کھانے کا شوق پیدا کرسکتے ہیں۔

7- جو اپنی پلیٹ سے کھانا ختم کرے گا اسے انعام ملے گا

پلیٹ میں کھانا چھوڑنا یوں بھی اچھی عادت نہیں ہے۔ اگر بچوں کو یہ کہا جائے کہ کھانا ختم کرنے پر انھیں کوئی چھوٹا سا تحفہ جیسے ٹافی یا چاکلیٹ ملے گی تو اس سے بھی ان میں کھانے کی تحریک پیدا ہوگی البتہ اس بات کا دھیان رکھیں کہ بچہ صرف تحفے کے شوق میں بھوک سے زیادہ کھانا کھانے پر مجبور نہ ہوجائے کیونکہ اس سے بچے کا ہاضمہ خراب ہوسکتا ہے۔

Bacha Khane Mein Tang Karta Hai

Discover a variety of Health and Fitness articles on our page, including topics like Bacha Khane Mein Tang Karta Hai and other health issues. Get detailed insights and practical tips for Bacha Khane Mein Tang Karta Hai to help you on your journey to a healthier life. Our easy-to-read content keeps you informed and empowered as you work towards a better lifestyle.

By Khush Bakht  |   In Health and Fitness  |   0 Comments   |   3469 Views   |   22 Jan 2023
About the Author:

Khush Bakht is a content writer with expertise in publishing news articles with strong academic background. Khush Bakht is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 24 May 2024)

میرا بچہ کھانے کو دیکھتا تک نہیں.... اگر آپ کا بچہ بھی کھانا کھانے میں تنگ کرتا ہے تو یہ 7 طریقے اپنائیں اور اس پریشانی سے نجات پائیں

میرا بچہ کھانے کو دیکھتا تک نہیں.... اگر آپ کا بچہ بھی کھانا کھانے میں تنگ کرتا ہے تو یہ 7 طریقے اپنائیں اور اس پریشانی سے نجات پائیں ہر کسی کے لیے جاننا ضروری ہیں کیونکہ یہ ایک اہم معلومات ہے۔ میرا بچہ کھانے کو دیکھتا تک نہیں.... اگر آپ کا بچہ بھی کھانا کھانے میں تنگ کرتا ہے تو یہ 7 طریقے اپنائیں اور اس پریشانی سے نجات پائیں سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔