باپ اسپتال میں ہے اور بیٹے۔۔ بچوں کو ایسا کیا کہہ دیا کہ کرینہ کپور غصے سے پھٹ پڑیں ! دیکھیں کیا کچھ سنا دیا

"یہ سب فوراً بند کرو! کیا آپ لوگوں کے پاس دل نہیں ہے؟ خدا کے لیے ہمیں اکیلا چھوڑ دو!"

بالی وڈ کی بےباک اداکارہ کرینہ کپور اپنی نجی زندگی میں مداخلت پر سخت برہم ہو گئیں، جب پاپارازی نے ان کے بچوں کے کھلونوں کو گھر لے جاتے اسٹاف کی ویڈیو بنائی۔ کرینہ نے انسٹاگرام پر ایک اسٹوری شیئر کرتے ہوئے غصے میں لکھا کہ ان کے صبر کا پیمانہ لبریز ہو چکا ہے، اور اس حرکت کو فوراً بند کرنے کی اپیل کی۔

معاملہ یہ تھا کہ انسٹاگرام پر شیئر کی گئی ایک ویڈیو میں کرینہ کے بیٹوں، تیمور اور جہانگیر، کے لیے لائے گئے کھلونوں کی جھلک دکھائی گئی، جس پر کیپشن دیا گیا: "تیمور اور جے کے لیے نئے کھلونے آ رہے ہیں۔" یہ دیکھ کر کرینہ نے سخت ردعمل دیا، اور اپنی نجی حدود کی پامالی پر ناراضی کا اظہار کیا۔

حیرت کی بات یہ ہے کہ غصے سے بھری اس انسٹاگرام اسٹوری نے وائرل ہوتے ہی سب کی توجہ حاصل کر لی، لیکن کچھ ہی دیر بعد کرینہ نے یہ پوسٹ ڈیلیٹ کر دی۔

یہ واقعہ ایسے وقت پیش آیا جب کرینہ کے شوہر، سیف علی خان، اپنے گھر پر ڈکیتی کے دوران چاقو حملے کا شکار ہو کر اسپتال میں زیرِ علاج ہیں۔ اس کے بعد سے سیف اور کرینہ کے گھر کے باہر پاپارازی کا رش لگا ہوا ہے، جو ان کے نجی لمحوں کو کیمرے کی آنکھ میں قید کرنے کی بھرپور کوشش کر رہے ہیں۔

کرینہ کی یہ ناراضی اس بات کا اشارہ ہے کہ مشہور شخصیات بھی نجی زندگی کی خواہاں ہوتی ہیں، اور مسلسل نگرانی کسی کے لیے بھی ناقابل برداشت ہو سکتی ہے۔