آپ کا باورچی خانہ آپ کے سلیقے کی کہانی سناتا ہے،اس کی صفائی میں کن باتوں کا خیال رکھنا چاہیے۔۔

بڑے بوڑھے کہتے ہیں کہ عورت کا سلیقہ دیکھنا ہو تو اس کا کچن دیکھو،اس سے اس کا سگھڑاپا پتہ چل جائے گا۔سلیقہ صرف یہ نہیں کہ آپ نے اوپر اوپر سے گھر صاف کر لیا لیکن کچن اور باتھ روم کی حالت خراب ہے،خاص کر باورچی خانہ وہ جگہ ہے کہ جہاں عورت کے سلیقے کا امتحان شروع ہوتا ہے۔صرف مزے مزے کے کھانے پکا لینا سگھڑاپا نہیں ہے بلکہ چمکتا دمکتا کچن آپ کے سلیقے کا منہ بولتا ثبوت ہے۔ اسکے ساتھ گھر والوں کی صحت بھی آپ کے باورچی خانے کی صفائی ستھرائی سے مشروط ہے۔

چولہے اور فرش پر جما ہوا آئل:

اکثر کھانا بناتے ہوئے یا سالن میں بھگار لگاتے وقت چولہے یا فرش پر آئل کے چھینٹے پڑ جاتے ہیں جس کی وجہ سے آئل جم جاتا ہے، اس کے لئے آسان ٹپ حاضر ہے۔۔

ٹپ:

دو چمچ بیکنگ سوڈا، لیموں کا رس اور نمک مکس کریں۔ پھر اس پیسٹ کو فرش یا چولہے پر لگائیں اور کپڑے کی مدد سے رگڑ لیں، آپ کا فرش اور چولہا دونوں چمک جائیں گے۔

واشنگ لیکوئڈ یا صابن سے برتن دھونے میں مسئلہ:

کچھ خواتین کوواشنگ لیکوئڈ یا صابن سے برتن دھونے کی وجہ سے خارش کا مسئلہ ہو جاتا ہے یا پھر ان کی انگلیاں چھل جاتی ہیں یہ مسئلہ ان کی جسمانی بیماری کی وجہ سے ہوتا ہے کیونکہ ان واشنگ سوپ یا لیکوئڈ میں استعمال ہونے والا کیمیکل ہاتھوں کی جلد کو خراب کردیتا ہے، لہٰذا اگر آپ بھی اس مسئلے سے جان چھڑانا چاہتی ہیں تو استعمال کریں یہ ٹپ ۔

ٹپ

دو چمچ بیکنگ سوڈا لیں اور اس میں تھوڑا سا پانی شامل کرکے مکس کرلیں اور اس میں تھوڑا سا سرکہ یا پھر لیموں کا رس شامل کر لیں۔ اس سے برتن دھوئیں آپ دیکھیں گی کہ برتن بھی چمک جائیں گے اور آپ کے ہاتھ بھی نہیں چھلیں گے۔

کھانوں کے اوپر جمے ہوئے تیل کو ہٹانے کا طریقہ:

• کھانا پکانے سے قبل جب آئل پتیلی میں ڈالتی ہیں اس وقت ایک چمچ نمک بھی ساتھ ہی شامل کرلیں اور اس کو اچھی طرح چمچ سے مکس کرلیں۔ ایسا کرنے سے اس محلول میں کچھ بلبلے بن جائیں گے جوکہ کھانا بننے کے بعد اوپری سطح پر نہیں جمیں گے۔
• جب آئل میں نمک چمچ کی مدد سے مکس کرلیں تو چولہا جلائیں اور پیاز بھون کر جس ترکیب سے کھانا پکاتی ہیں اس کو پکا لیں۔
• کھانا سروو کرتے وقت ایک سے آدھا چمچ گرم پانی اس کی اوپری سطح پر ڈال دیں اس سے آئل نہیں جمے گا اور ساتھ ہی کولیسٹرول یا دل جیسی بیماریاں جو کہ اضآفی آئل کے کھانے کی وجہ سے پیدا ہوتی ہیں ان سے بھی آپ بچ سکتے ہیں۔