شاہین کے والدین کو میری بیٹی پسند آ گئی تھی ۔۔ شاہین اور شاہد آفریدی کی بیٹی کا رشتہ کیسے طے ہوا؟

شاہد آفریدی کی بیٹی اور شاہین شاہ آفریدی کے رشتے کی خبر نے جہاں سوشل میڈیا صارفین کی دلچسپ سمیٹی وہیں، ان کے چاہنے والے اس رشتے سے بھی خوش دکھائی دیے۔
لیکن آج آپ کو بتائیں گے کہ دونوں میں رشتے کے لیے پہل کس نے کی؟

شاہین آفریدی کو کرکٹ کا جنون ان کے بھائی کی طرف سے ہوا تھا، ریاض آفریدی بھی 2004 میں ٹیسٹ کرکٹ میں پاکستانی کی نمائندگی کر چکے ہیں۔ ریاض آفریدی نے بھائی میں کرکٹ کے جنون اور ٹیلنٹ کو پرکھ لیا تھا تب ہی شاہین کو سیلیکشن ٹرائل کے لیے تیار کیا۔

شاہین فاٹا انڈر 19 کرکٹ ٹیم کا بھی حصہ رہ چکے ہیں۔ شاہین نے ہمیشہ ہی اپنی بالنگ اور کرکٹ کی تکنیکی عمل پر غور کیا اور وکٹ کس طرح لینی ہے، اس حوالے سے خوب محنت کی۔

یہی وجہ ہے کہ اسمارٹ وکٹ 2020 کی لسٹ میں شاہین پہلے نمبر پر تھے، جبکہ آئی سی سی ٹیسٹ رینکنگ میں شاہین آفریدی کا دسواں نمبر تھا۔ اب تھوڑی بات کر لیتے ہیں شاہین کی ماہانہ آمدنی کے بارے میں، اسٹارز انفولڈ کی ویب سائٹ کے مطابق شاہین آفریدی ماہانہ 10 لاکھ روپے سے زائد کماتے ہیں۔ یہ آمدنی بھی پاکستان کرکٹ بورڈ مینز سینٹرل کانٹریکٹ لسٹ فار 2020 سے 2021 کی جس میں گریڈ اے کیٹیکگری کے کھلاڑی شامل ہیں۔

شاہین آفریدی کا خاندان اسپورٹس سے کافی لگاؤ رکھتا ہے، یہی وجہ ہے کہ ان کے کزن یاسر آفریدی فٹ بالر ہیں اور 2010 کے ایشئین گیمز میں پاکستان کی نمائندگی کر چکے ہیں۔

View this post on Instagram

A post shared by Entertainment Website (@starsworld.pk)

شاہین شاہ آفریدی اور شاہد آفریدی کی صاحبزادی کا رشتہ رواں سال طے پایا ہے، اس حوالے سے سوشل میڈیا پر کافی خبریں گردش کرتی رہی ہیں، مگر خود شاہ آفریدی نے اس حوالے سے ایک انٹرویو میں بتایا کہ الحمداللہ دونوں کر رشتہ کر دیا ہے۔
شاہد آفریدی نے بتایا کہ شاہین آفریدی کے گھر والوں نے کئی مرتبہ رشتے کی بات کی تھی، شاہین کے رشتے کے حوالے سے بیٹی سے پوچھا تھا، وہ پڑھنا چاہتی تھی۔ لیکن گھر کے بڑوں کا ماننا تھا کہ زندگی کا کچھ پتہ نہیں ہے، اسی لیے بڑوں کے کہنے پر منگنی کر دی۔

شاہد آفریدی نے اس بات کو یقینی بنایا ہے کہ اس وقت شاہین بھی کرکٹ کھیل رہا ہے اور بیٹی بھی پڑھ رہی ہے۔ لیکن بیٹی سے پوچھ کر دونوں کی منگنی کر دی۔ جبکہ شادی بیٹی کی پڑھائی کے بعد ہی ہوگی۔

شاہین آفریدی اور شاہد آفریدی ایک ہی خاندان کے نہیں ہیں بلکہ دونوں آفریدی قبیلے کے دو مختلف قبیلوں سے تعلق رکھتے ہیں۔