اگر جہالت کا کوئی چہرہ ہوتا تو یہ ہوتا۔۔ آئینہ آصف اور ابوالحسن کے نماز اور ڈپریش پر دیئے گئے بیان پر صارفین نے جم کر کلاس لے لی

Netizens Criticized Aina Asif And Abul Hasan Namaz And Depression Statement

پاکستانی ڈرامہ انڈسٹری کی کم عمر اور باصلاحیت اداکارہ آئینہ آصف، جنہوں نے مایی ری ڈرامے سے مقبولیت حاصل کی، ایک بار پھر خبروں کی زینت بن گئیں – لیکن اس بار وجہ ان کا کوئی ڈرامہ نہیں، بلکہ ایک متنازعہ بیان ہے۔

حال ہی میں آئینہ آصف نے گڈ مارننگ پاکستان میں اپنے نئے ڈرامے پرورش کی پروموشن کے دوران، اداکار ابوالحسن کے ساتھ شرکت کی۔ اس دوران جب بات ذہنی دباؤ (ڈپریشن) پر ہوئی تو آئینہ نے کہا؛

اکثر ماہرینِ نفسیات خود بہت سخت رویہ اپناتے ہیں۔ اگر کوئی بچہ مدد لینے جائے تو وہ فوراً کہہ دیتے ہیں: 'نماز پڑھو'۔ نماز بے شک اہم ہے، مگر جب دل و دماغ پر اندھیرا چھایا ہو، تب کیا کریں؟

ابوالحسن نے بھی ان کی بات کی تائید کرتے ہوئے کہا؛

علاج کے لیے ہمیں ماہرین کی ضرورت ہوتی ہے، صرف عبادات پر انحصار کافی نہیں۔ اللہ نے عقل دی ہے تاکہ ہم مدد حاصل کریں

سوشل میڈیا پر ہنگامہ

آئینہ اور ابوالحسن کے اس بیان پر سوشل میڈیا پر ایک ہنگامہ کھڑا ہو گیا۔ بہت سے صارفین نے انہیں دین پر لیکچر دینے پر آڑے ہاتھوں لیا۔

کچھ تبصرے ملاحظہ کریں:

اب اداکار ہمیں دین سکھائیں گے؟

قرآن میں ہے، صبر اور نماز سے مدد لو۔

نماز ہر مسئلے کا حل ہے۔

نماز فرض ہے، اور افسوس ہوتا ہے جب لوگ اسے کم سمجھتے ہیں۔

میرے لیے نماز ہمیشہ سے سکون کا ذریعہ رہی ہے۔

ایمان کی طاقت نصیب والوں کو ملتی ہے۔

جہالت کا چہرہ ہوتا تو ایسا ہوتا۔

حقیقت کہاں ہے؟

یہ بحث ایک اہم پہلو کو اجاگر کرتی ہے: کیا مذہب اور میڈیکل سائنس کو ایک دوسرے کا مخالف سمجھنا چاہیے؟ یا ہمیں دونوں کے درمیان توازن قائم رکھنا ہوگا؟ آئینہ کا نقطۂ نظر بلاشبہ حساس ہے، لیکن شاید ان کا مقصد صرف ذہنی صحت کے لیے شعور اجاگر کرنا تھا۔