کروڑوں کا نیا بنگلہ۔۔ بیٹوں اور شوہر کے ساتھ مل کر بنایا۔۔ صباء فیصل نے اپنے نئے آشیانے کی ویڈیو بناڈالی

“یہ گھر میرے دونوں بیٹوں نے اپنے ابو کے ساتھ مل کر بنایا ہے لیکن کلر سیلیکشن اور باقی تمام چیزیں میری پسند کی ہیں۔ میرے بچوں نے یہ گھر بنانے میں میری بھی مدد لی ہے۔“

یہ کہنا ہے معروف اداکارہ صباء فیصل کا جنھوں نے حال ہی میں اپنے خاندان کے ساتھ مل کر نیا بنگلہ بنوایا ہے اور اس کی خوبصورت سی ویڈیو بھی بنائی ہے۔ تو آئیے دیکھتے ہیں صباء فیصل کا نیا گھر

بنگلے کے سامنے کا حصہ

ویڈیو میں دیکھا جاسکتا ہے کہ صباء پورے گھر کا راؤنڈ لگا رہی ہیں۔ گھر کا سامنے والا حصہ خوبصورت سرمئی رنگ کا ڈیزائن کیا گیا یے جبکہ جا بجا لگی لائٹس کی وجہ سے اندھیرے کا احساس بالکل نہیں ہوتا اور سارا گھر جگمگانے لگتا ہے۔

دیدہ زیب انٹیریئر

اندرونی حصہ بھی سرمئی اور کریم کلر کے کومبینیشن سے بنایا گیا ہے۔ گھر کا کچن جدید انداز کا ہے اور باتھ روم بھی انتہائی نفیس ہے۔ باتھ روم میں سفید رنگ کا بڑا سا شیشہ آویزاں ہے۔ جبکہ لاونج کی دیواروں پر سرمئی رنگ کے مختلف ہلکے گہرے شیڈز ہیں۔

بنگلے کی قیمت

صباء نے اپنے نئے گھر کے بارے میں بتایا کہ ان کے اس گھر کا نام “آشیانہ“ ہے اور یہ 5 مرلے کا گھر ہے جسے کاروباری مقصد کے لئے بنایا گیا ہے۔ گھر کو دیکھتے ہی اندازہ ہوجاتا ہے کہ اس کی قیمت کئی کروڑ ہوگی۔