آرمی کی ڈاکٹر خواتین ساڑھی کیوں پہنتی ہیں؟ پاکستان آرمی کی خواتین کے لباس سے متعلق چند اہم معلومات

اگرچہ پاکستان میں خواتین کا قومی لباس شلوار قمیض ہے لیکن اگر بات کی جائے پاکستانی آرمی کی ڈاکٹر خواتین کی تو ان کا یونیفارم خاکی رنگ کی ساڑھی ہے۔ اس آرٹیکل میں ہم آپ کو بتائیں گے کہ پاکستان میں آرمی کی ڈاکٹر خواتین کا یونیفارم ساڑھی کیوں ہے؟
کچھ عرصہ پہلے ڈان میں ایک ریٹائرڈ فوجی افسر سید اوصاف حسین کا آرٹیکل شائع ہوا جس میں وہ کہتے ہیں کہ آرمی کی ڈاکٹر خواتین کا لباس ساڑھی اس لئے ہے تاکہ وہ اپنی زندگی کے مختلف مرحلوں جیسے کے دروانِ حمل بھی اپنی پیشہ ورانہ زندگی پروقار طریقے سے جاری رکھ سکیں۔

ٹریننگ کے دوران مختلف لباس

پاکستانی آرمی کی مختلف خواتین کو ان کے پیشے کی نوعیت کے حساب سے یونیفارم دیا جاتا ہے۔ جیسے کہ فوجی خواتین کو ٹریننگ کے دوران مردوں کی طرح ہی بھاری اور کھردرا لباس بوٹ اور ہیلمٹ پہننا پڑتا ہے۔

بال باندھنے کا انداز

لباس کی طرح پاکستانی فوجی خواتین کو بال بھی ایسے انداز میں رکھنے پڑتے ہیں جو ان کی پیشہ ورانہ زندگی میں رکاوٹ نہ بنیں بار بار چہرے پر نہ آئیں۔ اس کے لئے اکثر خواتین اپنے بالوں کو جوڑے کی شکل میں لپیٹتی ہیں جب کہ کچھ خواتین کیپ کے نیچے اسکارف پہنتی ہیں۔