انڈے پکائیں وہ بھی بناء آئل کے ۔۔ جانیئے 5 آسان طریقے جو کھانے میں بھی لگیں مزیدار اور بنے بھی آسانی سے

انڈے ہماری صحت اور غذائیت کے لئے سب سے زیادہ اہم سمجھے جاتے ہیں کیونکہ ان سے ہمیں بڑی مقدار میں پروٹین اور وٹامنز سمیت لحمیات اور کاربوہائیڈریٹس بھی ملتے ہیں اور یہ آسانی سے دستیاب ہوتے ہیں۔ ہمارے ہاں ناشتے میں انڈہ کھانے کا رواج عام ہے، کوئی ابلا ہوا انڈہ کھاتا ہے تو کوئی فرائی انڈہ کھاتا ہے مگر انڈے کو بناء آئل کے بنانے اور کھانے کے یہ طریقے جانیں تاکہ آپ ایک انڈے سے خود کے لئے بھرپور طاقت اور غذائیت حاصل کرسکیں۔

5 طریقے:

٭ انڈے کو ابال کر کھانا سب سے زیادہ مفید ہے، کیونکہ ابلے ہوئے انڈوں میں خالص پروٹین موجودہوتے ہیں جو آپ کے جسم میں چربی کو بڑھنے نہیں دیتے ہیں۔

٭ سالن والے انڈے ہر گھر میں بنتے ہیں، انڈے آلو کا سالن بناتے وقت آپ آلوؤں کو الگ سے پانی میں ابال لیں، اسی طرح انڈوں کو بھی ابال لیں، اب کم آئل میں سالن کی گریوی تیار کرلیں اور پھر آلو شامل کریں، اس کے بعد انڈوں کو سالن کے اوپر ڈال کر سروو کریں اس طرح سے آپ انڈے آلو ایک منفرد انداز میں کھائیں اور اضافی آئل سے بچیں۔

٭ انڈوں کو بیک کرکے کھائیں یہ بھی منفرد طریقہ اور لاجواب ذائقہ ہے، اس کے لئے آپ ایک المونیم فوائل کا ٹکڑا لیں، اس میں انڈا رکھ دیں اور اوون میں 4 سے 5 منٹ بیک کریں، لیجیئے تیار ہوگیا بہترین بیک انڈہ، بس اس پر کالی مرچ ڈالیں اور کھائیں۔

٭ انڈوں کو سلاد کے ساتھ کھائیں، اس سے وزن بھی جلدی کم ہوگا، غذائیت بھی خوب ملے گی اور آپ پروٹین کی کمی سے بھی بچ جائیں گے۔ دوپہر کے کھانے میں ہرے پتوں کی سلاد اور ابلے ہوئے انڈے ضرور استعمال کریں۔

٭ انڈے کو سرکے میں 4 منٹ کے لئے بھگو دیں اور پھر اس کو ایک پتیلی میں ڈالیں اور اس میں پانی ڈال کر پکائیں، جوں ہی جوش آنے لگے، آنچ کم کردیں اور انڈے کو چھیل کر اس میں بیسن اور ہلکی لال مرچ کا پاؤڈر لگائیں اور پھر ٹھنڈے پانی میں ڈپ کریں، ایک مرتبہ پھر انڈے کو بیسن کے پیسٹ میں ڈبوئیں اور پھر اس کو ایک پلیٹ میں رکھیں اور چولہے پر بھون لیں، یہ باربی کیو ایگ بنجائے گا بس اس کو کیچپ کے ساتھ استعمال کریں۔