کامیاب عورتوں کو شوہر نہیں ملتے، کیڑے لگتے ہیں.. بشریٰ انصاری کے دوسرے شوہر پر کڑی تنقید کیوں کی گئی؟

"فرح سعدیہ 18 سالوں سے کسی نہ کسی مارننگ شو کی میزبانی کررہی ہیں. کبھی ایک چینل تو کبھی دوسرے چینل پر. وہ یہ سب شوقیہ نہیں کررہیں بلکہ اس لئے کرتی ہیں تاکہ اپنے دونوں بیٹوں کو پال سکیں. وہ دونوں بچے اقبال حسین کی بھی اولاد ہیں"

یہ کہنا ہے ڈاکٹر عمر عادل کا جو معروف آرتھوپیڈک سرجن ہونے کے ساتھ ساتھ ٹی وی شوز کی میزبانی بھی کرتے رہے ہیں.

حالیہ وائرل کلپ میں ڈاکٹر عمر عادل نے بتایا کہ بشریٰ انصاری کے موجودہ شوہر اقبال حسین کی سابقہ اور پہلی بیوی فرح سعدیہ ان کی بہت اچھی دوست ہیں.

ڈاکٹر عمر عادل کہتے ہیں "میں اقبال حسین سے مخاطب ہوں بشریٰ انصاری سے نہیں. جب کسی میاں بیوی کے درمیان طلاق ہوتی ہے تو وہ مرد اور عورت کے درمیان ہوتی ہے. بچوں اور باپ کے درمیان نہیں ہوتی اور نہ ہی ہوسکتی ہے. آپ نے اپنے بچوں کا خیال نہیں رکھا جیسا رکھنا چاہیے تھا.

اقبال حسین پر تنقید کرتے ہوئے ڈاکٹر عمر عادل مزید کہتے ہیں کہ جب کوئی عورت شادی کرتی ہے تو اس کی خواہش ہوتی ہے کہ اسے مرد کی صورت میں کفیل ملے. لیکن ہمارے ہاں بدقسمتی سے اگر کوئی عورت کامیاب ہوجائے تو اسے رشتے دار نہیں لگتے بلکہ جونکیں لگتی ہیں.