بھابھیاں تو کھا پی کر اوپر چلی جاتی ہیں.. جویرہ سعود اور ان کی ماں کی باتوں نے نئی بحث چھیڑ دی! صارفین بہو کی حمایت کرنے لگے

Javeria Saud Statement On Mother And Sister In Laws Get Criticized

پاکستانی شوبز انڈسٹری کی معروف اداکارہ اور میزبان جویریہ سعود اس بار خبروں کی زینت بنیں، مگر وجہ کچھ نرالی تھی۔ ماں کے عالمی دن پر وہ اپنی والدہ کے ہمراہ ایک نجی چینل کے مارننگ شو میں شریک ہوئیں اور گفتگو کے دوران ایسا جملہ کہہ گئیں کہ سوشل میڈیا پر ہلچل مچ گئی۔

جویریہ نے نہایت خوشگوار موڈ میں بتایا کہ ان کی والدہ ایک بہت کول ساس ہیں۔ انہوں نے کہا، "امی کے ساتھ میری دوستوں جیسی بانڈنگ ہے، ایک بار ہم دونوں حیدرآباد گئے تھے۔ جب میں نے گھر میں امی کو اکیلا دیکھا تو مذاقاً کہا، بھابھیوں کو سلام ہے جو آپ کے ساتھ رہتی ہیں۔"

اسی پر ان کی والدہ کا بے ساختہ جواب آیا، کون سی رہتی ہیں؟ وہ تو کھا پی کے اوپر اپنی منزل پر چلی جاتی ہیں۔ بہوئیں اگر میرے ساتھ نیچے رہیں گی تو مسئلہ ہو جائے گا۔"

یہ کلپ جیسے ہی وائرل ہوا، صارفین نے کمنٹس کی برسات کر دی۔ کسی نے کہا، "ہر بیٹی کو اپنی ماں دنیا کی سب سے بہترین ساس لگتی ہے، حقیقت تو بہو ہی بتا سکتی ہے۔"

کچھ نے جویریہ پر تنقید کرتے ہوئے لکھا، "یہ بھابھیوں کی ذاتی زندگی کو لائیو شو میں مذاق بنا رہی ہیں۔"

ایک صارف نے تو یہ بھی کہہ دیا، "جویریہ سعود اپنی مداخلت کو قہقہوں میں چھپا رہی ہیں، مگر باتیں سب سن اور سمجھ رہے ہیں۔"

یہ بھی کہا گیا کہ شو میں جس انداز سے انہوں نے اپنی بھابھیوں کی غیر موجودگی پر بات کی، وہ ناپسندیدہ ہے، کیونکہ براہِ راست کسی کی نجی زندگی کو نشانہ بنانا شوبز کی چمک میں بھی اچھا نہیں لگتا۔

جہاں کچھ مداح جویریہ کی باتوں پر مسکرا رہے ہیں، وہیں ایک طبقہ یہ سوال اٹھا رہا ہے کیا ہر ہنسی مذاق ہمیشہ صرف ہنسی کے لیے ہوتا ہے؟ یا کبھی کبھی اس میں حقیقت کی جھلک بھی چھپی ہوتی ہے؟

ایک بات تو طے ہے — جویریہ سعود کی کول ساس کہانی نے ناظرین کو خوب محظوظ بھی کیا، اور سوشل میڈیا پر ایک نئی بحث بھی چھیڑ دی۔