وہ مجھ سے غیر اخلاقی مطالبات کرتے اور۔۔ اینکر ایشال عدنان کے آفتاب اقبال پر سنگین الزامات! کیا کچھ بتا دیا؟

Anchor Eshal Adnan Allegation Against Aftab Iqbal

پاکستانی میڈیا انڈسٹری ایک بار پھر تنازع کی زد میں ہے۔ اینکر ایشال عدنان نے معروف میزبان آفتاب اقبال پر ہراسانی کا سنگین الزام لگا کر سب کو حیران کر دیا۔

ایشال عدنان کا کہنا ہے کہ وہ ایک نجی چینل میں بطور شریک میزبان کام کر رہی تھیں، جہاں آفتاب اقبال بھی اپنا شو کر رہے تھے۔ جیسے ہی شو کی دوسری ہوسٹ نے استعفیٰ دیا، ایشال کو اس کی جگہ منتخب کر لیا گیا — ان کے لیے یہ ایک بڑا موقع تھا، مگر خوشی زیادہ دیر قائم نہ رہ سکی۔

ان کے مطابق، ترقی ملنے کے بعد آفتاب اقبال نے مجھ سے غیر اخلاقی احسانات مانگنا شروع کر دیے۔ میں نے صاف انکار کیا تو انہوں نے دھمکی دی کہ وہ مجھے دوبارہ کبھی اسکرین پر نہیں آنے دیں گے۔

ایشال کا کہنا ہے کہ اس وقت ناصر چنیوٹی اور روبی انعم بھی موجود تھے اور پورا واقعہ ان کی نظروں کے سامنے ہوا۔ ان کے مطابق، انکار کے بعد انہیں اچانک شو سے ہٹا دیا گیا۔

یہ انکشاف سامنے آتے ہی سوشل میڈیا پر طوفان برپا ہوگیا۔ صارفین آفتاب اقبال کے رویے پر شدید غم و غصے کا اظہار کر رہے ہیں۔ کچھ لوگ انصاف اور شفاف تحقیقات کا مطالبہ کر رہے ہیں، جبکہ کچھ اب بھی دونوں فریقین کے مؤقف کا انتظار کر رہے ہیں۔

دلچسپ بات یہ ہے کہ یہ پہلا موقع نہیں جب آفتاب اقبال کی ذاتی زندگی خبروں کی زینت بنی ہو۔ اس سے پہلے بھی اطلاعات سامنے آ چکی ہیں کہ ان کی شادی اُن کی شریکِ میزبان مریم علی حسین سے ہوئی تھی، جن سے ان کے دو بیٹے بھی ہیں۔ بعدازاں دونوں میں علیحدگی ہوگئی، مگر آفتاب اقبال اب بھی بچوں کی کفالت کر رہے ہیں۔

فی الحال آفتاب اقبال کی جانب سے ایشال عدنان کے الزامات پر کوئی جواب سامنے نہیں آیا۔ اب سب کی نظریں اس بات پر ہیں کہ آیا یہ معاملہ محض ایک اور میڈیا تنازع بنے گا یا پھر کسی بڑے انکشاف کا آغاز ثابت ہوگا۔