امیر لوگ اکثر گنجے کیوں ہوتے ہیں؟ جانیے ان سے متعلق وہ معلومات جو اکثر لوگ نہیں جانتے

گنجے افراد کو ذہین ، عقلمنداور تعلیم یافتہ تصور کیا جاتا ہے۔ دنیا بھر میں ایسی مشہور شخصیات موجود ہیں جو گنجے ہیں اور وہ بے تہاشا دولت رکھنے والے ہیں۔

ایک امریکی میگزین میں اس حوالے سے انکشاف کیا گیا تھا کہ گنجے سر والے مرد بالوں والے افراد کی نسبت زیادہ صاحب تاثیر اور طاقتور ہوتے ہیں بلکہ قابل اعتماد اور ذمہ دار افراد میں بھی ان کا شمار کیا جاتا ہے۔

ہم دنیا میں ایسے کئی لوگ دیکھ چکے ہیں جن کے سر پر بال موجود نہیں لیکن ان کے پاس بے تہاشا دولت موجود ہے۔

اس کی سب سے بڑی مثال ہمارے سامنے ہے۔ فوربس کے مطابق دنیا کے امیر ترین شخص 'جیف بیزوس' جن کی سالانہ آمدنی 203 بلین ڈالر سے زائد ہے، حیران کن طور پر ان کے سر پر بھی بال نہیں۔

اس کے علاوہ باسکٹ بال کے ایک مشہور کھلاڑی مائیکل جارڈن جو کے گنجے ہیں مگر ان کا شمار بھی اسپورٹس کی دنیا کے مہنگے ترین کھلاڑیوں میں ہوتا ہے۔

ایک تحقیقی میں یہ بات سامنے آچکی ہے کہ جو افراد اوسط سے کم عمر میں اپنے بال کھو دیتے ہیں ان میں سوچنے کی صلاحیت میں اضافہ ہوتا ہے۔ کیونکہ ان کی یہ فکر ختم ہوجاتی ہے کہ بالوں کو کس طرح سنوارنا ہے کونسے ہئیر اسٹائل کا منتخب کرنا ہے۔

ایکسپریس یو کے ویب سائٹ کے مطابق گنجے مردوں کے بارے میں بھی خیال کیا جاتا تھا کہ وہ بالوں والے افراد سے زیادہ قد میں لمبے اور زیادہ مضبوط ہوتے ہیں۔

سارلینڈ یونیورسٹی کے ماہر نفسیات رونالڈ ہینس نے ایک عالمی تحقیق کی جس میں 20،000 سے زیادہ مضامین شامل تھے۔ ان کی تحقیق کے مطابق گنجے مرد زیادہ ذہین اور سمجھدار مانے جاتے ہیں۔

تحقیق اور نظریات سے کہیں نہ کہیں یہ بات ظاہر ہرتی ہے کہ گنجے افراد میں زیادہ ذہانت موجود ہوتی ہے اس لیے وہ کامیاب ہوتے ہیں۔