بادام کا تیل چہرے کی خوبصورتی کا راز ۔۔ جانیئے اس کے وہ فوائد جو کر دیں آپ کے چہرے کے مسائل کا خاتمہ

میٹھے بادام کا تعلق ایران سے ہے لیکن اسے دنیا کے مختلف علاقوں میں اُگایا جاتا ہے اس کو گری دار میوں کا بادشاہ بھی کہا جاتا ہے، بادام کا میٹھا تیل جو ان باداموں سے نکالا جاتا ہے صحت کے لئے بےحد فائدے مند ہے جبکہ یہ جلد اور بالوں کی صحت و نشونما کے لئے بہترین ہے۔
بادام کا تیل استعمال کرنے سے کیا کیا فوائد حاصل ہوتے ہیں اور اس کا استعمال کتنا ضروری ہے آیئے جانتے ہیں۔

• میٹھے بادام کا تیل استعمال کرنے کے فوائد

• بادام میں موجود غذائیت

چہرے کے لیے میٹھے بادام کے تیل کا استعمال بہت سے فوائد رکھتا ہے، اس تیل میں اہم کیمیائی اجزاء اور ضروری فیٹی ایسڈ موجود ہوتے ہیں، اسٹیرک ایسڈ، اولیک ایسڈ (اومیگا 3)، لینولک ایسڈ، اور پامیٹک ایسڈ یہ آپ کی جلد میں چمک پیدا کرتے ہیں اور اسے نمی بخشتے ہیں یہ تمام اجزاء جلد کو طویل عرصے تک ہائیڈریٹ رکھتے ہیں جس سے آپ کی جلد مزید گلابی اور کومل نظر آتی ہے۔ میٹھے بادام وٹامن اے سے بھرپور ہوتے ہیں اس وٹامن سے ریٹینول آپ کے چہرے کے کولیجن کو بحال کرنے میں مدد کرتا ہے، جلد کی لچک کو بہتر بناتا ہے اور آپ کو جوان نظر آنے میں مدد دیتا ہے یہ بھی ایک وجہ ہے کہ میٹھے بادام چہرے کی جھریاں اور باریک لکیروں کو کم کرنے کے لیے جانے جاتے ہیں۔

• سورج کی شعاعوں کے مضر اثرات سے بچائے

میٹھے بادام کے تیل کے فوائد میں سورج کی نقصان دہ شعاعوں سے تحفظ بھی شامل ہے بادام کے تیل میں موجود وٹامن ای کی اینٹی آکسیڈینٹ خصوصیات کی وجہ سے آپ کی جلد آزاد ریڈیکلز کے نقصان سے محفوظ رہتی ہے۔

• کیل مہاسوں سے حفاظت

میٹھے بادام کا تیل کیل مہاسوں کے خاتمے کے لیے استعمال کیا جا سکتا ہے یہ تیل زنک سے بھرپور ہوتا ہے جو کہ مہاسوں کے نکلنے کو روکنے اور چہرے کے داغوں کے علاج میں مدد کرتا ہے۔

چہرے پر بادام کے تیل کا استعمال کیسے کیا جائے؟

• فیس کلینزر

میٹھے بادام کے تیل کو چہرے کی صاف صفائی کے لئے استعمال کیا جا سکتا ہے یعنی اسے سے چہرے کی کلنزنگ کریں اور دھول مٹی، بیکٹیریا، دانے وغیرہ سے نجات پائیں یہ چہرے کے بند مسام کو کھول کر اس سے گندگی کو صاف کرتا ہے۔

• نائٹ موسچرائزر

اکثر رات میں لوگ نائٹ کریم استعمال کرتے ہیں، روغنِ بادام کو نائٹ موسچرائزر کے طور پر بھی استعمال کیا جا سکتا ہے بس اسے تھوڑا سا لے کر چہرے پر ملیں اور سوجائیں اگلی صبح چہرہ دھوئیں۔

• مساج

اس تیل سے چہرے کا مساج بھی کیا جا سکتا ہے بادام کے تیل میں اپنی پسند کا کوئی بھی اسینشئیل آئل شامل کریں اور اس سے چہرے کا اوپر کی جانب مساج کریں جس سے جھریاں جھائیاں اور چہرے کے دیگر مسائل دور ہوں گے لٹکی ہوئی جلد چمکدار کھچی ہوئی اور ترو تازہ ہو جائے گی۔

By Sadia    |    In Tips and Totkay   |    0 Comments    |    8457 Views    |    27 Oct 2021

Comments/Ask Question

Read Blog about بادام کا تیل چہرے کی خوبصورتی کا راز ۔۔ جانیئے اس کے وہ فوائد جو کر دیں آپ کے چہرے کے مسائل کا خاتمہ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بادام کا تیل چہرے کی خوبصورتی کا راز ۔۔ جانیئے اس کے وہ فوائد جو کر دیں آپ کے چہرے کے مسائل کا خاتمہ) and how to utilize other natural ingredients to cure diseases, easy recipes, and other information related to food from KFoods.