میں نے اس انسان کے کہنے پر شوبز چھوڑا ۔۔ اِسلام کی خاطر شوبز کو خیر باد کہنے کے بعد سابق اداکار علی افضل خان کی زندگی میں کیا بدلاؤ آیا؟ کئی سال بعد انکشاف کردیا

پاکستان شوبز انڈسٹری کے سابق اداکار علی افضل خان کبھی پی ٹی وی کے ڈراموں میں بطور اہم کردار کرتے دکھائی دیتے تھے مگر اچانک پھر وہ انڈسٹری سے ایسے غائب ہوئے کہ پھر وہ کبھی نظر نہ آئے۔

کچھ سال بعد ان کی ایک تصویر وائرل ہوئی جس میں انہوں نے چہرے پر داڑھی رکھ لی تھی اور معلوم ہوا کہ انہوں نے اسلام کی خاطر شوبز سے کنارہ کشی اختیار کرلی ہے اور وہ دعوتِ تبلیغ کرنے میں مصروف عمل ہیں۔

حال ہی میں علی افضل خان کو ایک پوڈ کاسٹ میں بطور مہمان مدعو کیا گیا جس میں انہوں نے شوبز چھوڑنے کے بعد کی زندگی سے متعلق گفتگو کی۔

پاکستانی اداکار علی افضل خان نے کہا کہ ان کے شوبز سے کنارہ کشی اور دین میں دلچسپ لینے کے پیچھے معروف نعت خواں جنید جمشید نے اہم کردار ادا کیا۔

علی افضل نے بتایا کہ میں نے 20 سے 22 انڈسٹری میں کام کیا، اپنے طویل کیریئرکے دوران میں نے بطور اداکار و میزبان کئی پراجیکٹس کیے، اسی دوران چونکہ معروف نعت خواں گلوکار تھے اور میں ایکٹر تھا ہماری اکثر وبیشتر ملاقات ہوتی رہتی تھی۔

سابق اداکار کے مطابق میں نے میزبانی کے دوران قرآن کو جاننا اور سمجھنا شروع کر دیا تھا لیکن اس کے بعد جب ذاتی اختلافات کی بنا پر میزبانی چھوڑی تو جنید جمشید نے مجھے دین کی تبلیغ کی جانب مائل کر دیا، اس دوران پہلے تین اور پھر 40 دن کاچلا کاٹا، نماز باقاعدگی سے پڑھنا شروع کی، اس کے بعد میرے پاس دو راستے تھے شوبز سے دوری یاپھر دین سے لگاؤ، میں نے دین کا راستہ اختیار کیا اور شوبز کو ہمیشہ کے لیے خیرباد کہہ دیا۔

سابق اداکار نے بتایا کہ ایک اداکار جو کہ اپنے کیریئر کی بلندی پر ہو اس کے لیے اپنا کیریئر چھوڑنا آسان نہیں ہوتا لیکن میں نے شوبز چھوڑنے سے 8 سے 9 ماہ پہلے تہیہ کر لیا تھا کہ میں شوبز چھوڑ دوں گا اس کے بعد میں نے ہر طرح کے کنٹریکٹس کرنا بند کر دیے۔