اگر ٹھیک نہ ہوئے تو ایک ہفتہ بعد پھر آجانا ۔۔ اس مریض کی ڈھیروں دوائیوں کے ساتھ تصویر کیوں وائرل ہو رہی ہے؟

ڈاکٹروں کا کام مریض کا علاج کرنا اور انہیں ایسی دوائیاں فراہم کرنا ہوتا ہے جن سے وہ ایک بار میں صحتیاب ہوجائیں اور انہیں واپس آنے کی دوبارہ ضرورت پیش نہ آئے۔

مگر حقیقت میں کچھ اور ہی معاملہ دیکھنے میں آتا ہے۔ کئی سرکاری و نجی اسپتالوں میں مریضوں کو مہنگی دوائیں خریدنے پر مجبور کیا جاتا ہے جس سے غریب کی ساری جمع پونجی ادویات میں خرچ ہوجاتی ہے اور دیگر ضروری اشیاء کے لیے جب سے پیسے ختم ہوجاتے ہیں۔

سوشل میڈیا پر ایک مریض کی تصویر وائرل ہو رہی ہے جس میں اس کے ہاتھ میں بہت سارے دوائیوں کے ڈبے دیکھے جا سکتے ہیں۔

وہیں ایک جانب مریض کے نام کی پرچی بھی دیکھی جا سکتی ہے جس میں کئی ادویات لکھ دی گئی ہیں۔ پوسٹ کے اوپر کیپشن درج ہے جس میں لکھا گیا ہے کہ اگر ٹھیک نہ ہوئے تو ایک ہفتہ بعد پھر آجانا۔ اگر ایسا کہا جائے کہ یہ ڈاکٹروں کا مریض کے ساتھ ظلم ہے تو غلط نہ ہوگا۔

اس کیپشن کے لکھنے کا مقصد یہ ہے کہ ڈاکٹرز مریضوں کے ساتھ لوٹ مار کا بازار گرم رکھتے ہیں۔ یہاں تمام ڈاکٹروں کا تذکرہ نہیں ہو رہا، بہت سے طبیب ایسے بھی ہیں جو مریضوں کا درد سمجھتے ہیں اور انہیں جلد سے جلد صحتیاب دیکھنا چاہتے ہیں۔

مریض کی یہ تصویر سوشل میڈیا پر ہر طرف وائرل ہو رہی ہے۔ مریض کے چہرے پر مسکراہٹ تو نظر آرہی ہے کیونکہ اسے یقین ہے کہ وہ ان ساری دوائیوں سے صحتیاب ہوجائے گالیکن حقیقت کیا ہے وہ اس سے شاید لاعلم نظر آتا ہے۔