صحت سب سے بڑی دولت ہے اور اگر صحت ہی میسر نہ ہو تو پیسے بھی آپ کو مطمئن نہیں کرسکتے۔ دنیا میں جہاں لاکھوں لوگ ایسے ہیں جو پیسے نہ ہونے کی وجہ سے پریشان ہوتے ہیں وہیں ایسے بھی لوگ ہیں جو بیش بہا دولت حاصل کرکے بھی صحت نہیں کما سکتے۔
مرحوم اداکار عابد علی کی چھوٹی بیٹی رحمہ علی نے اپنی طبیعت کے حوالے سے کہا کہ: '' میں نے سوچا کہ اگر میری زندگی میں ایک مشکل ترین چیز گزری تو میں اسے ایمانداری کے ساتھ لوگوں کو بھی بتاؤں، مجھے لگتا ہے کہ کچھ چیزیں ہمیں لوگوں کے ساتھ شیئر کرنی چاہیے تاکہ وہ بھی زندگی میں اچھی باتیں سیکھیں، اپنے مشکل وقت کو یہ سوچ کر کسی کے ساتھ گزاریں کہ شاید یہ کسی کی اصلاح کے لیے ایک ذریعہ بن جائیں۔ میں 3 ہفتے سے بیامر تھی، میرے پیٹ میں اتنا درد تھا کہ مجھے لگا کہ مجھے تیزابیت ہوگئی ہے اور چونکہ میں ہسپتال سے ڈرتی ہوں اس لیے سوچا کہ گھر کی چیزوں سے ہی اس کو ٹھیک کرنے کی کوشش کی جائے مگر 5 دن بعد مجھے اتنی شدید تکلیف ہوئی کہ میں پریشان ہوگئی اور ایمرجنسی میں ہسپتال گئی۔جب میں ہسپتال گئی تو ڈاکٹر سے معلوم چلا کہ میری کھانے کی نالی میں شاید کچھ چلا گیا ہے یا کوئی رکاوٹ اندر ہوگئی ہے جس کی وجہ سے اینڈوسکوپی ہوگی تاکہ یہ معلوم ہوسکے کہ کیا سچ ہے۔ آیا کوئی غذائی ذرات پھنس گئے ہیں یا کچھ اور۔ تکلیف اس قدر زیادہ تھی کہ ناقابلِ برداشت ہوگیا تھا۔ جس پر ڈاکٹر نے کہا کہ 21 تاریخ کو Esophagitus ہوگا پھر پتہ چلے گا کہ درد کس وجہ سے ہے۔
جن ڈاکٹروں سے مشورہ کیا انہوں نے بتایا کہ میری ڈائٹ اور stress level میری اس حالت کے ذمہ دار ہیں۔ میری ڈائٹ اتنی بری نہیں ہیں۔ لیکن میرا تناؤ 100 فیصد ہے جس کی وجہ سے میں اس حال تک پہنچ گئی ہوں۔
ڈاکٹر نے کہا کہ جتنا ممکن ہوسکے تناؤ، افسردگی اور اضطراب سے دور رہوں۔ کیونکہ یہ میرے نظام انہضام کو نقصان پہنچا رہے ہیں۔ لہذا اس سے یہ ثابت ہوا کہ ایک صحت مند زندگی کے لیے، ہمیں صحت مند دماغ کی ضرورت ہے۔ ہمیں اپنے تناؤ کی سطح کو سنبھالنا ہے۔ جانتی ہوں کہ یہ کام بہت مشکل ہے، لیکن آپ کو زندگی کی چھوٹی چھوٹی چیزوں سے جینا اور لطف اندوز ہونا آنا چاہیے تاکہ برے وقت کو بھی اس آسانی سے گزارا جا سکے کہ تناؤ سے زیادہ پریشانی نہ ہو۔