شاید میں بہت بوڑھا ہوگیا ہوں تبھی ۔۔ ویلکم 3 سے نکالے جانے پر نانا پاٹیکر غصے میں آگئے، انہوں نے فلم میں نہ لئے جانے پر کیا کہا؟

بھارت کی مشہور ترین کامیڈی فلم ویلکم کے تیسرے پارٹ سے اہم کردار اُدے بھائی کو کاسٹ نہ کرنے پرناناپاٹیکر نے بیان سامنے آیا ہے۔

اُدے بھائی کے ساتھ فلم کے دوسرے کردار مجنو بھائی، جسے انیل کپور نے نبھایا، ان کے ڈائیلاگز پورے سوشل میڈیا پر مشہور تھے۔

وہیں اب ویلکم 3 کا نام ویلکم ٹو دا جنگل ہے، فلم سازوں کی جانب سے بتایا گیا ہے کہ اب فلم میں اُدے بھائی (نانا پاٹیکر) اور مجنو بھائی (انیل کپور) نظر نہیں آئیں گے بلکہ ان کی جبگہ مشہور جوڑی سنجے دت اور ارشد وارثی جلوہ گر ہوں گے۔

تاہم نانا پاٹیکر نے اپنی نئی فلم ویکسین وار کے ٹریلر لاؤنچ کے موقع پر ویلکم 3 سے نکالے جانے پر بات کرتے ہوئے کہا کہ شاید میں بہت بوڑھا ہوگیا ہوں تبھی انہوں نے مجھے ویلکم 3 کے لیے کاسٹ نہیں کیا۔

انہوں نے فلم ویلکم تھری کے پروڈیوسرز پر تنقید کرتے ہوئے کہا کہ شاید دا ویکسین وار کے فلم سازوں کو ایسا نہیں لگتا کہ میں بوڑھا ہوگیا ہوں، اس لیے انہوں نے مجھے فلم کے لیے کاسٹ کرلیا۔

واضح رہے کہ ناناپاٹیکر کی جانب سے نبھایا گیا یہ کردار مداحوں کو خوب پسند آیا تھا اور آج بھی فلم کے اسٹلز یا چند سیکنڈز کے کلپس سوشل میڈیا میمز میں دل کھول استعمال کیے جاتے ہیں۔