آپ کو اپنی شادی کی تاریخ یاد ہے؟ عامر خان کے سوال پر امیتابھ بچن نے کیا جواب دیا؟ دلچسپ ویڈیو

بالی ووڈ سپر اسٹار عامر خان امیتابھ بچن کے سب سے بڑے فین نکلے، ثبوت دے کر لیجنڈری اداکار کو بھی حیران کر دیا۔

بھارت کے مشہور شو "کون بنے گا کروڑ پتی" کی آنے والی قسط میں عامر خان اپنے بیٹے جنید خان کے ہمراہ بطور مہمان شرکت کریں گے، جس کا پرومو سوشل میڈیا پر خوب وائرل ہو رہا ہے۔

پرومو میں دیکھا جاسکتا ہے کہ عامر نے شو میں امیتابھ بچن کی سالگرہ بھی منائی اور انھیں مبارکباد دیتے ہوئے ایسا تحفہ پیش کیا کہ وہ گنگ رہ گئے۔

دراصل عامر نے بطور تحفہ اپنے سب سے بڑے فین ہونے کا ثبوت یوں دیا کہ انھوں نے امیتابھ بچن کی شادی کا برسوں پرانہ کارڈ ہی شو میں پیش کرڈالا۔

عامر خان نے ان سے سوال کیا کہ، کیا آپ کو اپنی شادی کی تاریخ یاد ہے؟ جس پر امیتابھ نے بتایا کہ 3 جون 1973، آگے سے عامر نے کہا کہ اس بات کا کوئی ثبوت تو دیں۔

یہ سن کر امیتابھ لاجواب ہوگئے، پھر عامر نے انھیں ان کی شادی کا کرڈ دکھاتے ہوئے کہا کہ میرے پاس آپ کی شادی کا ثبوت ہے اور وہ آپ کی شادی کا کارڈ ہے ساتھ ہی انھوں نے کارڈ نکال کر بھی دکھایا اور کہا کہ میں آپ کا نمبر ون فین ہوں۔ ان کی اس والہانہ محبت پر امیتابھ بچن زور سے ہنس دیئے۔