میں ان کی طرح اپنا خاندان نہیں بیچ سکتا.. فہد مصطفیٰ انٹرویو کے دوران ٹک ٹاکرز پر بھڑک اٹھے! ہانیہ عامر کے بارے میں کیا کہہ ڈالا؟

"کونٹینٹ کے نام پر ہر کوئی اپنی فیملی اور خاندان کو بیچ رہا ہے. انٹرنیٹ پر صبح، دوپہر، شام کچن اور گھر کی باتیں شئیر کررہے ہوتے ہیں، لوگ قبرستان تک بھی نہیں چھوڑتے، یہ کون سا کونٹینٹ ہے؟ میری کون سی میراث ہے. کونٹینٹ سب سے زیادہ اووریٹڈ لفط ہے. تک بھی نہیں چھوڑتے. میں نہیں چاہتا کہ لوگ مجھے اس قسم کے کونٹینٹ کے لیے جانیں. میں اچھی یا بُری کہانی سنا سکتا ہوں لیکن ان ٹک ٹاکرز کی طرح اپنے گھر کو نہیں بیچ سکتا"

یہ کہنا ہے فہد مصطفیٰ کا جو شعیب اختر کے اردو فلکس پروگرام میں شرکت کے دوران ایک سوال کے جواب میں ٹک ٹاکرز پر برس پڑے.

فہد مصطفیٰ نے بتایا کہ وہ ایسے کئی یوٹیوبرز سے مل چکے ہیں جن کے لاکھوں فالوورز ہیں. لیکن جب وہ ڈرامے کی شوٹ پر جاتے ہیں تو انہیں کسی پروگرام کی شوٹنگ اور طریقہ کار کی سمجھ نہیں آتی.

پسندیدہ اداکارہ کے ساتھ کام کرنے کے سوال کے جواب میں فہد مصطفیٰ نے تین بار ’ہانیہ عامر‘ کا نام لیا۔ جس کی وضاحت دیتے ہوئے ان کا کہنا تھا کہ وہ صرف ہانیہ عامر کے ساتھ ہی فلم کرنا چاہیں گے کیونکہ ماہرہ کے بعد اگر کسی کے اندر ’اسٹار‘ بننے کی صلاحیت ہے تو وہ ہانیہ عامر ہے، وہ بہت محنتی اداکارہ ہیں اور دل کی بہت اچھی ہیں۔ میں ان سے کہتا تھا کہ تھوڑی سی بڑی ہوجاؤ تو ہم ساتھ کام کریں گے اب وہ بڑی ہوگئیں ہیں تو ہم فلم کررہے ہیں.