6 دن کی بچی کے دانت نکل آئے۔۔ حیرت انگیز واقعے نے ڈاکٹرز کو بھی حیران کردیا! بچی کی حالت کیسی ہے؟

6 Din Ki Bachi Ke Teeth Nikal Aye

یو اے ای کے شہر شارجہ میں ایک حیرت انگیز اور نایاب واقعہ پیش آیا ہے جس نے نہ صرف اہل خانہ بلکہ ڈاکٹرز کو بھی دنگ کر دیا۔ پیدا ہونے کے صرف چھ دن بعد ہی ایک نومولود بچی کے منہ میں دانت نمودار ہوگیا— ایسا منظر جو شاید برسوں میں بھی کم ہی دیکھنے کو ملتا ہے۔

عرب میڈیا کے مطابق بے بی مہرہ عبدالرحمٰن کی پیدائش 3 دسمبر 2025 کو ام القوین کے خلیفہ اسپتال میں ہوئی تھی۔ گھر میں معمولی چیک اپ کے دوران جب اہل خانہ نے اس کے ننھے سے منہ میں ایک ابھرا ہوا چھوٹا دانت دیکھا تو فوراً ڈاکٹرز سے رجوع کیا، اور تمام لوگ حیرت زدہ رہ گئے۔

ماہرین نے اسے 'ولادی دانت' یعنی پیدائش کے وقت یا کچھ ہی دنوں میں ظاہر ہونے والے دانت قرار دیا۔ ڈاکٹرز کے مطابق یہ کیفیت عام طور پر نقصان دہ نہیں ہوتی، تاہم بعض کیسز میں اسے غیرمعمولی طبی مسائل سے بھی جوڑا جاتا ہے۔

خوش قسمتی سے مہرہ کی صحت بالکل ٹھیک ہے، اور ڈاکٹروں کا کہنا ہے کہ بچی کی نشوونما پر مسلسل نظر رکھی جا رہی ہے— کسی قسم کی پریشانی کی ضرورت نہیں۔

مہرہ کے والدین نے اپنی ننھی بیٹی میں اس غیرعام نشانی پر خوشی، فخر اور بے حد حیرت کا اظہار کیا ہے— واقعی یہ ایک ایسا لمحہ ہے جو ساری زندگی یاد رہنے والا ہے۔