ماشاءاللّٰہ! 4 دوستوں نے 60 سال کی عمر میں قرآن مکمل کر لیا ۔۔ اتنی بڑی عمر میں قرآن پڑھنے اور سمجھنے کا شوق کیسے پیدا ہوا؟

4 Dosto Ne 60 Saal Ki Umar Me Quran Mukammal Kar Lia

کہتے ہیں ناں سیکھنے کی کوئی عمر نہیں ہوتی جب انسان چاہے کچھ بھی سیکھ سکتا ہے بس چاہ ہونی چاہیئے۔ ایسی ہی چاہ پشاور سے تعلق رکھنے والے ان بزرگوں میں تھی جنہوں نے 60 سال کی عمر میں قرآن پاک مکمل کر لیا۔

جی ہاں پشاور کے رہائشی یہ چار دوست، 8 سال قبل اپنے ایک دوست کے کہنے پر مدرسے آئے تھے۔ جس دوست نے انہیں اس عمر میں قرآن پاک پڑھنے کے لیئے راضی کیا وہ دوست خود 5 سپارے مکمل کرنے کے بعد انتقال کر گیا۔ لیکن اس کے جانے کے بعد ان چاروں نے ہمت نہ ہاری نہ ہی پیچھے ہٹے بلکہ قرآن مکمل کر کے سب کو حیران کردیا۔

بزرگ بتاتے ہیں کہ وہ شروع میں اس بات کے لیئے راضی نہ تھے کیونکہ انہیں لگتا تھا کہ ان سے نہ ہو پائے گا، لیکن جیسے جیسے دن گزرتے گئے وہ خود بہ خود قرآن سے جڑتے چلے گئے۔ اور اس سفر میں مدرسے کے قاری صاحب نے ان کا بہت ساتھ دیا اور نہایت پیار، محبت اور تحمل کے ساتھ انہیں پڑھایا۔

اس موقع پر قاری صاحب بھی بہت خوش تھے، انہوں نے بتایا کہ اس عمر میں بھی ان میں سیکھنے کا جو جذبہ تھا وہ قابل تعریف ہے۔ میں ان سے بہت خوش ہوں اور بس یہ چاہتا ہوں کہ اللّٰہ بھی ان سے راضی ہوجائے۔