25 سال سے اولاد کے لیے تڑپتے والدین۔۔ اللہ نے والدین کو 25 سال کے صبر کے بعد اپنی رحمت سے کیسے نوازا؟

بے اولاد جوڑا اللہ کے حضور ہر لمحہ نومولود کی دعا مانگتا رہتا ہے، وہ اگرچہ ایک موقع پر آ کر افسردہ ضرور ہوتا ہے مگر پُر امید بھی ہوتا ہے اور اللہ کا شکر بھی ادا کر رہا ہوتا ہے۔
سوشل میڈیا پر ایک ایسی ہی پوسٹ نے سب کی توجہ حاصل کی جب ایک ڈاکٹر کی جانب سے اپنی مریضہ کے حوالے سے ایک تصویر اپلوڈ کی۔

ڈاکٹرزینب ملک کی جانب سے پوسٹ اپلوڈ کرتے ہوئے کہنا تھا کہ سال 2021 کے شروعات میں یہ خاتون میرے پاس آئیں، 43 سال خاتون اولاد کے لیے ترس رہی تھیں جبکہ ان کے شوہر کی عمر 40 سال تھی۔

ڈاکٹر نے بتایا کہ خاتون اور ان کے شوہر نے 25 سال تک اولاد کی تڑپ میں ہر علاج معالجے کو اپنایا مگر امید نہیں چھوڑی۔ خاتون کی سابقہ ہسٹری دیکھ کر ڈاکٹر نے علاج شروع کیا، خود ڈاکٹر اور جوڑا پُر امید تھا کہ ان کے صبر کا پھل انہیں ملنے والا ہے۔

اگرچہ مسئلہ بھی پیچیدہ تھا اور عمر بھی کافی ہو گئی تھی تاہم دونوں پُر امید تھے، اور اسی طرح تقریبا ایک سال بعد خاتون حاملہ ہو گئیں، یعنی 2022 میں بڑے آپریشن کے بعد خاتون کے ہاں 25 سال بعد ننھی رحمت کی آمد ہوئی۔

پیدائش کے بعد بھی یہ ماں اپنی ننھی پری کو لے کر ڈاکٹر کے پاس آتی ہیں، دوسری جانب ڈاکٹر کا بھی یہ اصرار ہے اور یہ تصویر اپلوڈ کرنے کا مقصد بھی یہی کہ نہ جانے کتنے ایسے ہی جوڑے ہوں گے جن کا مسئلہ ان جیسا ہی ہو، کیا پتہ ان کا مسئلہ بھی اسی طرح حل ہو جائے۔